Prowerb 3:33 - Nobonob Baibel

³³ Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Prowerb 3:33 Referans Kwoze

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Sam 91:10

diig amunu amu, nahip-ppa eheɗ laa ii bema. Ao, oɗe nau danab kuɗum aqe mauhtteb amu, nahip peh lag guguitta ii uɗima.

Duteronomi 7:26

Ag aib kayak hambuppuak dottog laa, o amunu keeke laa aon, ag laulagppa noppig. Yawe Nug keeke amunu ooppa uuaknab dootte. Keeke amuam Yawenuib nuhig pelemppa daatteb amunu, ag laulkadppa akkan nokkulag dayeb amu, ag ele am geha Yawenuib nuhig pelemppa daaglag. Keeke amuam Yawenuib nuhig pelemppa daatteb amunu, ag keeke amu aɗaglagnu oolagppa uuaknab doyeg!

Prowerb 21:12

Kayak, Nug am genab tutukku haknu diig, Nug aɗi keeke nau hak danab laulagppa bette amu, Nug dootte; amu Nug nau hak danab he nauhtteb.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

2 Samuel 6:11

Dawit nug Yawenu Tituanak Nainu Kunup Obetidom laugppa appa me, Tituanak Nainu Kunup kalam ewam appa dayom. Dayeye am, Yawe Nug Obetidom, nug baegppa oh ele itattom.

Josua 7:13

Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

Duteronomi 11:28

Amu ag nai haknunab anak Yawe, ahilag Kayak, Nug toppanu uɗitte amu, ag nai amu dim ii lamidna, ag kayak hambuppuak, ag kayak amu gemu ii doyadtteb, ag kayak amu noolagppa dup nona binalag mekkulag dayeb amu, Yawe Nug itittak nau madakku.

Josua 6:18

Ag Yawenuib nuhig pelemppa daamnanu, ag aibnab keeke Yawenuib nuhig pelemppa daatteb, ag amu laa aɗappig! Ag keeke laa Yawenuib nuhig pelemppa daatte aoglag dayeb amu, amuppa ag akka ag hena, ag Israel oh ag Yawenuib nuhig pelemppa daan, ag hena, Israel dilag haen tutu dayaknu aab kalak nauhkkun daakku.

Job 24:18

⌊O lailad, ag mattin, inam atteb.⌋ ‘Nau hak danab ag amu hetteb ele ag am le hipaɗ le qaɗeppa daatte bia daan, ⌊pahanab iitta metteb⌋. Ahilag wan am eheɗ laa awaknu anak waappa daye, appa laa grep meu aokkunu grep dadppa ii gotte. Iitta.

Job 31:12

Laa amu, danab kobol nau amu hette ele amu, nuhig bu am nug nauha auta autanab awa, padal mette. Amu da hipunin amu helom, da nauhe aute autenab awen, padal melom; dahil ee oh amu, laa ag hiɗalob.

Prowerb 10:6

Am genab tutukku hak danab ag Kayak eppegppanu itittak ena okkai aotteb; amge nau hak danab amu, laa guittak nau mauhnoak mettaknu nai ag oɗelagppa ambak daatte ⌊amunu, ag itittak ena, Kayak eppegppanu, danab eppelagppanu ele ii aomna⌋.

Prowerb 14:11

Nau hak danab ah, ag baelkadppan ele ag geha nauhkkulag; amge genab tutukku hak danab ah, ag am geha buɗulkad kuɗum ele daaglag.

Prowerb 15:6

Genab tutukku hak danab laugppa en okkai daatte; amge nau hak danab ag kobol nau hetteb amunu, hak amunu noob am, ag uug anidtteb.