Prowerb 3:28 - Nobonob Baibel

²⁸ Na gemu keeke eppenppa dayebeb, mudippan layap medakkut dayeb, na aib, “Butti eɗun uɗippe medakkul,” ame. Iitta. Na gemu aakkude mette!

Prowerb 3:28 Referans Kwoze

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

2 Korint 8:11

Anam amunu, gemu ag uɗat amu hena, gog teig! Anukka uɗat amunu ag oolag paha ottaiom, anamib gemu ag amu hena maleg! Ag ahilag keeke gane amu melemelppa heig!

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

2 Korint 9:3

Amge da nai mattieye, ag onilag humattem, nai amu geha hamu bia daamanu, ag da ami amubia ag men doɗo qagmena, meppeg daakkunu da lailad hei, aakku ag gumadna gotteb.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Prowerb 27:1

Na aib na nakka binan mena, “Da genabnab butti uɗat okkai inamnab iikku hekkul,” ame; amunu diig am, butti aɗi bekku amu, na ii doottem.

Solomonnu Ahi 5:3

Nug anam aum, amge da ami. “Da lamen elab uɗen, niiaknu lamen takkami daattemde amunu, da ahen, lamen elab baula tagakkulte? Ge, da bael ihamide amunu, da ahen, tappe wain, od matulen, bael baula ihakkulte?” Da anam ami.