Prowerb 3:25 - Nobonob Baibel

^25-26 Amu genab, na hanhan doyak dabmak ena ele, oo maittak awaknu ehah ele daut ii atieb, dim lamatkkut dayeb amu, Yawe Nug nahip guppiɗ daakku. Ao, Nug geha atognoitteb, na pelemppa ii temana. Nug anam hekku amunu, na uug naunab paha, laippun bettenu ii baɗamna. Ao, na padal mak, nau hak danab dilagppa bette amu, na amu baɗidna ii oimna.

Prowerb 3:25 Referans Kwoze

Sam 112:7

Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

1 Pita 3:14

amge na genab tutukku hak kobolib henana, diig amunu guittak aokkut dayeb amu, na aakku itittak ena aon daattem. Laa ag keekenu baɗatteb amu, ⌊ag Jesusnu oolagppa genab dootteb,⌋ ag amunu aib baɗappig; ag oolag aib ottaiom.

Sam 91:5

Am na Yawenu ootppa genab dookkut dayeb amu, na tuqanppa, keeke oh heeg danab ah baɗak eheɗ nau dootteb amu, na amunu ii baɗamna. Ao, amunppa kekeɗ ag lat doɗo eeg, nahip-ppa gotteb, na amunu ii baɗamna.

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Mak 4:40

Nug anam ha amu, Nug nuhikkud ippunittak awak danab amelagppa aum. “Ag aɗinu anam baɗatteb? Ag gemu ele oolagppa genab iite dootteb?” awa aum.

Matyu 24:6

Ag bannu doonna, bannu ulah nai ele dooglag. Keeke amu genab bekkulag, amge doyeg! Ag aib ottaippig! Keeke amu bekkulagnab, amge wan haen malak iitta.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Luk 21:9

Ag bannu doonna, amu ag aab ikki ikki ag ahan ban hettebnu nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta,” awa aum.

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Prowerb 1:27

Ulah naɗi laa uɗia keeke oh he nauhtte, padal mak amubia ahilagppa bekku haenppa amu, da anam hekkul. Ao, kilibob okkai keeke he nauhtte, uug naunab amubia ag tonadkku haenppa amu, da anam hekkul. Ge, ahilagppa uug, amu uug nau ele beya tonadya hepeɗ, ag elele iittanab iitta dooglag haenppa amu, da anam hekkul.

Aisaia 54:14

Ag genab tutukku hak kobol dim lamidnana, tutukku, ɠagattag anamib daaglag. Yawe Nug heeb, keeke laa ag baɗaglagnu ii daama amunu, eheɗ hak laa eppelagppanu amu, eheɗ hak amu ahilagppa bekkunu aib dabmeppig. Ao, Yawe Nug heeb, baɗak nau ag gukkuattak ii daama amunu, ag baɗak naunab ahilagppa bekkunu aib dabmeppig!

Maika 4:4

Danab anen anen oh ag maɗoɗ ele muɗi grep ahilkad logoppa daaglag. Ao, ag maɗoɗ ele, ahilkad ad fig waappa, logoppa daaglag. Ag anam maɗoɗ ele daappeg, laa heeb, ii baɗamna. Keeke amu oh anam daakkunu diig am, Yawe Nukka Ɠagattag Oh Ele Nug amu bekkunu ana malom.

Sekaraia 9:8

Amu Yawe Nug atte. “Da dahil lag, da amuppa dayeye, Juda danab ah atognoatten heppi, kekeɗ ag uɗin, wanppa ii oimna. Da pehetten neekkitte daattem amunu, kekeɗ laihnu ag baula uɗin, danab ah dahilad dilag wan ii aomna. Ag baula dahilad danab ah eheɗ ii hattamna,” awa atte.