Prowerb 3:24 - Nobonob Baibel

²⁴ Na kobol aɗit amu daut ii atieb, dim lamatkkut dayeb amu, haen na niinna, na ii baɗamna. Ao, na niittem haenppa na enaib niikkut.

Prowerb 3:24 Referans Kwoze

Sam 3:5

Yawe Nug da dabmeɗatte amunu, da ukken qein niieye, da eɗuen ahattem.

Sam 4:8

O Yawe, na aakkuib dabmeɗeɗe, da baɗak iittappa daattem amunu, geha da ool maɗoɗ ele ukke, qein niikkul.

Prowerb 6:22

Haen na adeppa adeppa oikkut amu, ihinih nai am ulum medakku. Ao, haen na niikkut amu, nai amu na atognoidkku. Ge, haen na eɗun ahakkut amu, nai amu na aɗi aɗi hekkutnu ippunidkku.

Jeremaia 31:26

Ag anam daanna, ag akkulag. ‘Da ahe, neekki ukke, enanag niimi aakku doomi,’ aon akkulag.” Yawe Nug anam awa atte.

Job 11:19

Na niikkutnu, na niiak abenppa ukkan qen niippe, laa nug heeb baɗakkutnu ii daama; laa kuɗum ag uɗin, ehanadkkutnu oɗ mettaglag.

Lewitikas 26:6

Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul.

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

Esekiel 34:15

Da Yawe, da dakka, da ag, dahilad sipsip, da ag dabmatten atognoadppi, ahilagppa keeke eheɗ ii bema.” Naɗi Yawe Nug anam atte.

Aposel 12:6

Unuqittegeg, deɗ Herot nug Pita danab noolagppa mekkunu heum, deɗ amu ii wagkkaɗom, tuqan amuppa maniguittaknu gumak danab aɗit, laa laih, laa laih laappa daaeheh, Pita nug gamagppa niiom. Ag sen aɗitppa nug hippalppig. Nug anam niieye, gumak danab aɗit laa aa odppa daayya, od gumapiɗ.

Sam 112:8

Nug ɠagattag daatte. Nug aɗi keeke laanu ii baɗama. Nug nuhikkud kekeɗ ag nena qeppeg, nug anadkku.

Prowerb 1:33

Anam aakku, amge aun nug Doyak Dabmak Ena ele da, nug da oɗel dootte, nug baɗak iittappa daakku. Ao, aun amu hette ele amu, nug manin, baɗak iitta ele daakku,” awa atte.

Eklisiastis 5:12

Uɗat hak danab nug ee okkai latte dayeb, o nug ee nakokib latte dayeb, nug ena niitte; amge enub danab nug niikkunu elele iitta.

2 Stori 20:30

Kayak Nug he, Juda dilag kekeɗ oh ag toettan daappig amunu, Juda wan, Jehosapat gumom amu, amuppan danab ah ag maɗoɗ ele daappig.

Sam 3:6

Kekeɗ 10,000 eɗitta auta autanab awak ag da heqol laih laih ohppa taliliɗna daatteb amu, da amu dilagnu ii baɗattem.

Sam 91:5

Am na Yawenu ootppa genab dookkut dayeb amu, na tuqanppa, keeke oh heeg danab ah baɗak eheɗ nau dootteb amu, na amunu ii baɗamna. Ao, amunppa kekeɗ ag lat doɗo eeg, nahip-ppa gotteb, na amunu ii baɗamna.

Prowerb 19:23

Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.

Aisaia 54:14

Ag genab tutukku hak kobol dim lamidnana, tutukku, ɠagattag anamib daaglag. Yawe Nug heeb, keeke laa ag baɗaglagnu ii daama amunu, eheɗ hak laa eppelagppanu amu, eheɗ hak amu ahilagppa bekkunu aib dabmeppig. Ao, Yawe Nug heeb, baɗak nau ag gukkuattak ii daama amunu, ag baɗak naunab ahilagppa bekkunu aib dabmeppig!

Esekiel 34:25

Amu Yawe Nug anam awowa, Nug nai tuɗitta atte. “Israel danab ah ag am dahilad sipsip, amu da haen amuppa heppi, ag da ele ig maɗoɗ dayaknu nug tituanta nai qakkagnig. Ig amu heta, da heppi, ahilag wanppa doɗ dakkuɗ nau laa ii daama amunu, ag atu taɗakppatai daaglag, o iitta atuppa niiglagtai amu, ag baɗak iittappa daaglag.

Esekiel 34:27

Ahilkad ad dad okkaippa daatteb meu elele okkulag; ee wanppa betteb ele meu elele okkulag. Danab ah ag baɗak iittappa ahilag wanppa daaglag. Da amu heine, da ag laa eppelagppanu, ahilag begbeg maɗi nid baula daamnanu diiadkkul amu, ag dooglag, da am Yawe.