Prowerb 3:21 - Nobonob Baibel

²¹ O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!

Prowerb 3:21 Referans Kwoze

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

Prowerb 4:21

Keeke da na amenppa madittem ele imu, am na heppe, nahip-ppa dayaɗ! Ao, na ootppa mena, aɗan oiye!

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

Prowerb 2:7

Amu Yawe Nug danab ah ag genab tutukku hak danab daatteb ele ehanatte, ahilkad kekeɗ eɗadtteb. Ao, Nug aun aɗi ag nuhig neekkakppa danab ooppa kaliak laa iitta ele oitteb ehanatta, ahilag guppiɗ daatte.

1 Jon 2:24

Ag digmakppa nai dooppig amu, ag oolagppa ɠagattag aɗan dayeg! Amu ag digmakppa nai dooppig ag oolagppa daakku dayeb amu, ag haen oh Mame Bekka, amu Mame ele laippu daaglag.

Prowerb 1:4

nug doyak ii awak ele daatte dayeb, nug eheɗ bemanu dabmak awa dabmak amu dim lamittak kobolnu doyak aokkunu, nid o nid ahin bau nug doyak, aria laanu neekkakppa nug dabmak eheɗ ii aomanu kobol ele aokkunu,

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Prowerb 4:6

Amu na doyak dabmak ena ele aon oikkutnu aib uume! Aɗinu? Na ii uukkut dayeb, doyak dabmak ena ele ehanitteb, na ena oikkut. Ao, na doyak dabmak ena elenu oot mauhaɗ! Nug na gumittebeb oikkut.

Prowerb 19:8

Aun nug doyak dabmak ena ele aotte, nug nukka nug ehanidtte. Ao, laa nug diignu doyak tutukkunu oo huana hette, nug ena daatte.