Prowerb 3:20 - Nobonob Baibel

²⁰ Yawe Nug nuhig doyakppa he, yu beum daatte; Nug he, baito habppanu nette.

Prowerb 3:20 Referans Kwoze

Genesis 7:11

Haen amuppa Noa nug maɗ 600 dayom. Maɗ 600 dayeye, kalam ebqak aɗit, kalam amunu deɗ 17ppa, gu okkai neene, Kayak Nug he, wan panatte, wan ooppanu le huanak qeppuɗin beegeg, le hiɗ naɗi digma beum.

Genesis 27:28

Kayak Nug na gu, wan ittag ele medakkunu ool daatte. Ao, Kayak Nug heeb, na ee kuɗum, iɗu iɗu ele daakkutnu ool hette.

Genesis 1:9

Keeke amu anam ba daye, Kayak Nug aum. “Le wanppa daatte, amuam aben laippu qagmeeb, wan qaɗaiettak ele miag atiaɗ!” awa aum. Kayak Nug a amu, am anam aakku beum.

Joel 2:23

Yawe Nug hanhan genab tutukku hak kobol dim lamidtte amunu, Nug he, oug haen digmetteppa gu neum. Ao, Nug he, gu elelenab, oug haen digmetteppa, gakkaɗak haen digmetteppa ele, anukka neum bia, nette. Anam amunu, Sion danab ah ag gamalag ahaɗ! Ao, ag Yawe, ahilag Kayak, ag nuhignu gamag ahak okkai doyeg!

Jeremaia 14:22

Wan laalappan kayak hambuppuak dottolkad ag heeg, gu nettete? Ge, hab nug nukka he, gu nakok laa nettete? Iitta! Na, Yawe, ihinig Kayak, na hee, gu nette amunu, ig naib neekkidttem. Aɗinu? Naib keeke amu oh hettem amunu, ig naib dabmedattem.

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.

Prowerb 8:24

Nug yu ii heum haenppa, Nug ah nid menutte bia da heiɗe bemi. Ao, Nug le qeppuɗin betteb ii hattom haenppa, da heiɗom.