Prowerb 3:17 - Nobonob Baibel

¹⁷ Doyak dabmak ena ele ippu amu enaib. Ge, nug ib atten attenppa danab ah diiadtte amu, danab ah ag maɗoɗib doon oitteb.

Prowerb 3:17 Referans Kwoze

Luk 1:79

Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Prowerb 2:10

Aɗinu? Doyak dabmak ena ele na ootppa daakku. Ge, doyak am nahip-ppa ambak dayebeb, na maɗoɗppan gamag ahak okkai dookkut.

Sam 119:165

Laa ag nahip ɗonu oolag mauhtte ele, ag oolag maɗoɗ okkai ele daanna, ag ii nena qetteb.

Prowerb 22:18

Aɗinu? Keeke imu dabmak nahip-ppa daakku am ena. Ge, na hanhan imunu madikkutnu nahip dabmakppa babaittak daakku, am ena.

Sam 119:14

Laa nug enub kuɗum ele, nug nuhig keekenu oo gamag ahatte, amubia da nahip ɗo nai dim lamidkkulnu, da ool huana gamag ahatte.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Aisaia 57:19

Da amu heppi, Juda danab ag uug doon gaatteb amu, ag eɗun, ena doon, da onil humaglag. Da heppi, danab ah ag uma daatteb, laa ag guguittak daatteb ele amu, da heppi, ag oh maɗoɗ daaglag. Ge ag maɗoɗnab daan oiglag. Da heppi, ag enaib daan oiglag.” Yawe Nug anam atte.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Sam 119:174

O Yawe, na da ehaniɗppe, da ii padal mepanu ool naɗi daatte. Da nahip ɗonu enanagnab doottem.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Sam 119:47

Da nahip ɗo oh dim lamidkkulnu enanagnab doottem! Da nahip ɗonu ool mauhtte!

Sam 37:11

Aun aɗi ag dagom daan, ag akka onilag qeeg nette ele, ag geha ag aulag wan imu aɗan daaglag Ag daan, ii baɗaglag, ag maɗoɗ naɗi ele daaglag.

Sam 25:10

Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

Rom 5:1

Aria, ig oonigppa genab doout, Kayak Nug ihinignu, “Genab tutukku hak danab,” awa aum amunu, ihinig Naɗi Jesus Kristus, nuhigppa amu ig Kayak ele maɗoɗ daattem.