Prowerb 3:14 - Nobonob Baibel

¹⁴ Aɗinu? Danab nug silwa ele, nug amuppa en laa aokkunu elele, amge danab nug doyak dabmak ena ele, nug keeke silwa eɗittak aokkun elele. Ao, danab nug gol ele, nug amuppa en tuɗid aokkunu elele, amge danab nug doyak dabmak ena ele, nug keeke gol eɗittak aokkun elele.

Prowerb 3:14 Referans Kwoze

Prowerb 16:16

Danab nug doyak dabmak ena ele aokku, amuam ena, am gol awak eɗidtte. Ao, danab nug diignu doyak tutukku, nug amu aokkun dabmekku, amuam ena, am silwa awak eɗidtte.

Prowerb 8:19

Da am ad meu otte bia, amge meu dahil amu gol enanag eɗittak. Ao, da am ad meu otte bia, amge da meu ottem ele am silwa enanag eɗittak.

Matyu 16:26

Danab nug wanppanu keeke oh aokku dayeb, amge nug bauklel hanhannu ii aokku, wanppan keeke oh awom amu, keeke amu nug attem ehanidkku? Nug amuppa bauklel hanhannu daden mekku? Iittanab!

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

Prowerb 2:4

na silwa mattin anidkkutnu wagai mettem bia, na amu oh aokkutnu hekkut dayeb, ao, na en okkai lokkumak daatte mattin anidkkutnu wagai mettem bia, na amu oh aokkutnu hekkut dayeb,

Sam 119:162

Laa nug en naɗinab awa, gamag ahak dootte, amubia da nahip nainu gamag ahak doottem.

Sam 119:72

Da men doɗo huanak ele daalom, amuam nakok enatai, amge da nahip ɗo aɗattem amu, amuam enanagnab. Da nahip ɗonu ool huanak hette.

Eklisiastis 7:11

Danab nug mameg eppegppanu aug keeke aotte amu, nug keeke ena aotte. Doyak dabmak ena am ele aug bia; danab aun aɗi ag bau daan, doyak dabmak ena ele aotteb amu, ag amuppa ehanittak aotteb.