Prowerb 3:1 - Nobonob Baibel

¹ O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Prowerb 3:1 Referans Kwoze

Prowerb 4:5

Da mamel nug nai amu amelppa anana, nug aum. “Na doyak dabmak ena ele, aria diignu doyak tutukku ele aon oiye! Ge, na aib nai dahil imu daut atiom, o na aib dahil nai imunu dekkaɗna laih gome!” awa aum.

Sam 119:16

Da nahip ɗonu enanagnab doottem. Da nahip nai ii daul atima.

Prowerb 1:8

O bekkal, na mamen da, na dahil tolittak nai doye! Ao, na anin toppan ippunittak ena aome amu, na amu aib uume.

Sam 119:93

Na nahip oo yaak nai ɗo bia, na nai amu da ippuniɗna heehe, da beɗul ena dayak aomi amunu, da nahip nai amu ii daul atima.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Duteronomi 8:1

Ag bau daan, abatak kuɗum bena, ag geha wan, Yawe Nug ag mamelkad aɗi madakkunu nuhig nai ɠagattag qetta aum, ag amuppa nona, aon daaglagnu amu, ag haknunab anak nai, gemu da ag madattem imu, ag dabmettan autnanab aon, dim lamitteg!

Sam 119:153

Da nahip ɗo daul ii atiom amunu, na da uug mawewe daattem imu neegna ehaniɗppe, da qagaiettakppa ii daapanu oɗ medattem.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Duteronomi 4:9

Amge ag dabmeig! Ag aibnab Yawe Nug ahilagnu he anidppig ele amelag atiom. Ag bau daatteb haen imuppa ag heppeg, dabmak ahilagppa iitta mema! Ag anidppig amu ohnu ag bekkalkad, alalkad ele mattin mattaglagnu heig!

Sam 119:176

O Yawe, da sipsip laa qettoɗom bia, da yawaiye oimi, amge da nahip ɗonu ii daul atitte amunu, na uɗin, na da, nahip maɗi nid, na da mattiɗna awiɗkkutnu oɗ medattem.

Duteronomi 4:23

Yawe, ahilag Kayak, Nug he, ag Nug ele nug tituanna nai qagappig, amu ag dottog laa, iɗu attenppa, Yawe, ahilag Kayak, Nug ag amu haknu aib aum amu, ag amu laa hemananu ag nug tituana nai qakkak nai amu aib daulag atiom. Iitta! Ag daulagppa dayaɗ!

Prowerb 31:5

King ag le ɠagattag huana lakkulag dayeb amu, ag ɗo aɗi hekkulagnu ippunadtte, ag amu daulag atieb; ag nai doya mala hettoɗia epeɗia elele mettak kobol ii dim lamidna, ag danab ah, laa ag eheɗ hadatteb ele, ag amu dilag oh elele ii hettoɗiadna, elele ii ehanadkkulagtai.

Aisaia 51:17

Juda danab ah, ag ahan dayeg! Ag aheg! Ag eheɗ heeg, Yawe oppoɗi be, bu mattom. Amu ahilag bu Nug eppegppanu amu, bu amuam wain nau kap-ppa daatte, amubia daye, ag wain amu aakku lana malappig. Ao, wain nau amu, wain amuam danab he nauhtte ele amu, ag amu ohnab lana malappig.

Eksodas 20:6

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da ag buɗulkad menuattak huu laippu bia 1,000 dimppa bekkulag amu, dahil oo mauhak amu, ahilagppa ele daakku.

Sam 91:16

Da na bau dayak haen elab daakkutnu medakkul. Da ehanidppi, na padal ii memana,” awa atte.

Sam 119:61

Nau hak danab ag da muɗippa hippaliɗna, eeɗilppeg hipuninppa nolomtai, amge da anam ii hepa. Da nahip ɗonu ii daul atima.

Prowerb 2:1

O da bekkal, na dahil nai aon autna aokkut dayeb, na dahil haknunab nai aon, ootppanab mekkut dayeb,

Prowerb 4:2

Aɗinu? Keeke da ag amelagppa madittem imuam, tutukku, am genabnab. Ag aib dahil ippunittak uuppig.

Prowerb 16:31

Umimi bak am king haɗ enanagnab, king onig medatte, amubia danab, o ah onig medatte; bau dayak elab amubia amu, amuam genab tutukku hak ibuppanu nob ena.

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Duteronomi 5:16

Na da Yawe, da haknunab nai mattami bia, na mamen, anin ele binalah mate! Ge! Na wan laappa, da Yawe, nahip Kayak, da na medakkulnu hettem amu, na appa haen elab daakkutnu, nahip-ppa ena elele ba daakkunu amu, na anam hekkut.

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Prowerb 4:21

Keeke da na amenppa madittem ele imu, am na heppe, nahip-ppa dayaɗ! Ao, na ootppa mena, aɗan oiye!

Prowerb 8:1

⌊Ah doyak ele nug danab ah dooglagnu baag eleleppa nai maditte, amubia⌋ Doyak Dabmak Ena Ele nug nai ette. Ao, ⌊ah doyak ele nug danab ah dooglagnu baag eleleppa nai maditte, amubia⌋ Diignu Doyak Tutukku nug nai ette.

Prowerb 9:1

Doyak Dabmak Ena Ele nug nug laug heum. Nug biidod eblaih aɗit okkai amu lagnu uug maoglagnu galattom.