Prowerb 29:9 - Nobonob Baibel

⁹ Danab nug doyak dabmak ena ele nug danab Kayak dab-ii-maama ii dim lamidtte ele hettoɗiakppa mette dayeb amu; danab nug Kayak dab-ii-maama ii dim lamidtte ele, nug nai mauhnoak huanak mattiaya, imak ele hekku. Mattiakppa meu ena ii bema.

Prowerb 29:9 Referans Kwoze

Eklisiastis 10:13

Danab nug Kayak dab-ii-maama ii dim lamidtte ele, nug digmakppa Kayak dab-ii-maama haknu nai maditte; gog tak amu, nug Kayak dab-ii-maama haknu nai aakkuib ii maditte. Iitta. Nug nai nau, kaaka ele maditte.

Prowerb 26:4

Haen na danab nug Kayak dab-ii-maama, ii dim lamidtte ele nug na ele nai mattiya amu; na nuhig hak, amuam Kayak dab-ii-maama hak kobol, na kobol amu dim lamidna, amubia mattimnanu, na ib amuppa oɗmak nuhig nai nob mak aib mettame; amge nug, “Da doyak dabmak ena ele danab,” dabmemanu, na nug Kayak dab-ii-maama hak kobol dim lamitta, nai maditte, na amu dabmena, amuppa oɗmak nuhig nai nob mak, na amu ena mette!

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Prowerb 17:12

Bea anig laa, nug nakkud oh danab laa diia ukke, bea anig nug oppoɗi bak huana dootte ele, na bea anig amu gukkuidna ii wakkutoitte. Am nau; amge na danab Kayak dab-ii-maama ii dim lamidtte ele nug Kayak dab-ii-maama hak kobol haaha daatte uɗa tekkut dayeb, amuam naunab nau.

Prowerb 29:8

Awa awa qettak danab ag aab okkai ooppa uug heeg bette; amge danab ag doyak dabmak ena ele, danab amu ag heeg, oo nauhak oug mette.

Prowerb 29:10

Qe mauhak danab ag danab nug nuhig dabmak, oiyak ele am tutukkuib amu, ag nuhignu nau ninig ele dootteb; ag genab tutukku hak danab aqappeg mauhkkulagnu hetteb.