Prowerb 29:8 - Nobonob Baibel

⁸ Awa awa qettak danab ag aab okkai ooppa uug heeg bette; amge danab ag doyak dabmak ena ele, danab amu ag heeg, oo nauhak oug mette.

Prowerb 29:8 Referans Kwoze

Prowerb 11:11

Haen Kayak Nug nuhikkud danab ah, ag genab tutukku hak danab ah amu, haen Nug ag itadtte, ahilag aab okkai ena daatte; amge nau hak danab ag ahilag naippa heeg, aab nauhtte.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Prowerb 16:14

King nug oppoɗi bak doya, nug danab laa qeeb mauhkkunu elele; amge danab doyak dabmak ena ele nug ha, kingnu oppoɗi bak bodoedakkunu ib madikku.

Esekiel 22:30

Israel dilag okkai ag nau anam hetteb, hamu aabppan danab ele ag anam hetteb amunu ag bu aoglagnu daatteb. Ag bu aoglagnu anam daatteb, amunu da danab laa nug aabnu aɗ babaitteb, kekeɗ ag wana heppeg, danab ah ii nauhmananu dootte, nug aabnu aɗ giɗo daatteppa dayaya, kekeɗ lamadkkunu dootte amu, da laa amubia heeb, da wain, Israel danab ah hadappi nauhmananu ii hepanu neegmi, amge da laa anam laa ii anidmi.

Namba 25:11

“Mana mettak danab Aron bekka Eleasar, nug bekka Pinias amu, nug Israel danab, Midian ah ele aa kobol nau heeheh aqate mauhpiɗ amunu, da dahil oo nauhak bodoettom. Da danab ah ag da diil am nau doomnanu yag-nab-bak doyen hettem, amubia nug ele anam doya heum amunu, da dahil oo nauhak tuɗitten, ag oh ii hatti nauhppig.

Prowerb 29:9

Danab nug doyak dabmak ena ele nug danab Kayak dab-ii-maama ii dim lamidtte ele hettoɗiakppa mette dayeb amu; danab nug Kayak dab-ii-maama ii dim lamidtte ele, nug nai mauhnoak huanak mattiaya, imak ele hekku. Mattiakppa meu ena ii bema.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.