Prowerb 29:6 - Nobonob Baibel

⁶ Eheɗ hak danab nug hipunin hette amu, hipunin amu ag pelem bia daaegeg, doɗ pelemppa tette bia, danab nug pelem amuppa tette; amge genab tutukku hak danab ag ahi ettanna, gamag ahak dootteb.

Prowerb 29:6 Referans Kwoze

2 Timoti 2:26

Anukka Satan danab amu ag nug dim lamidkkulagnu nuhig aɗppa maattom, amge Kayak Nug heeb, ag oolag eɗueb, ag nai genab doona, ag kobol ena ele doona amu, ag baula nuhig aɗppa ii daamna.

Eklisiastis 9:12

Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.

Eksodas 15:1

Haen amuppa Moses nug Israel danab ah ele ag Yawenu ahi laa inam edappig. “Da Yawenu ahi edakkul. Aɗinu? Nug ban naɗinab imu eɗittom. Ao, Nug hos, danab hosppa daappig ele akke, yu ooppa noppig.

Sam 118:15

Yawe Nug genab tutukku hak danab ehanatte, ag ii padal meppig amunu, ag oolag gamag okkai ahe, Yawe Nug ag ehanatte, ag kekeɗ eɗadppignu ag peh laulkadppa ag huana enan, inam atteb. “Yawe Nug keeke okkainab heum. Genab, Nug nuhig ɠagattag okkaippa ehanikke, ig ii nauhmut! Genabnab, Yawe Nug keeke okkainab heum!” aon enan atteb.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Jems 1:2

O lailad, haen ag ma anttak digdigppa daatteb amu, ag amunu oolag aib ottaiom. Iitta. Ag maɗoɗppan gamag ahak doyeg!

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Sam 132:16

Da mana mettak danab Jerusalem appa daatteb ele ehanadppi, ag padal ii memana. Ao, da heppi, danab ah ag dahilnu oo metta ii uuak kobol dim lamidna, Jerusalem appa daatteb amu, ag gamag ahak doon, ag ahi ettaglag.

1 Jon 1:4

Ig nai imu ig oh ihinig maɗoɗppan gamag ahak ambak daakkunu yaattem.

Ikki Danab 20:41

Israel ban danab ag ele amu anidna, ag eɗun aon, banelag gona, Benyamin danab lamattegeg, Benyamin danab ag baɗak eheɗ nau dooppig. Aɗinu? Haen amuppa Benyamin dilag daup ag nauhkkulagnu daappig aakku dooppig.

Prowerb 22:5

Ib laa, nau hak danab nug dim lamitta oitte amu, ib amuam ib uud keeke qaun ele, o ib laa pelem mak ele, am ib amubia daatte; amge laa nug nukka, nug nuhig oiyaknu dabmetta atognotte amu, nug nau hak danab dilag awaitta, uma daatte.

Prowerb 10:28

Genab tutukku hak danab ag oo gamag ahak anidkkulag; amge nau hak danab ag aɗi keeke laa ena bekkunu dabmak aɗan oitteb amu, ag amu ii anidmana.