Prowerb 29:5 - Nobonob Baibel

⁵ Aun nug mudippan laippu oo eeɗaknu ittag nai maditte; nug nukka nuhignu pelem mette.

Prowerb 29:5 Referans Kwoze

Hosea 5:1

Yawe Nug inam ele atte. “Mana mettak danab, ag nai imu doyeg! Ao, ag Israel dilag ikki danab oh, ag daulag human, doyeg! Ge, ag king baegppan oh, ag daulagppa doyeg! Aɗinu? Danab laa pelem ma, doɗ aotte, amubia ag Mispa appa, kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Ao, ag danab laa nug uhui ma, ai aotte, amubia ag Tabor appa ag kayak hambuppuak dottolkad noolagppa dup nona binalag mena, ag danab ah laa ag ele amu hekkulagnu omalatteg, hipuninppa noppig. Anam amunu, bu awaknu nai imuam ahilagnu.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Job 17:5

Danab laa nug layag eheɗ laa ii heum, amge danab amu nug men doɗo aokkunu layag eheɗ heum akku dayeb, danab amu heum ele amu, nug bekkod ag amelag gaɗuak daakku.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

Rom 16:18

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

Gayak Nai 1:13

Aab gakkaɗak danab ebehippa ewewe nauhtte; amubia Yawe Nug ig Juda, Nug ihinigppa heum. Nug danab doɗ aokkunu pelem mette; amubia Nug pelem ihinig meum. Nug he, ig bittumttum gomut. Nug he, ihinig aab okkai, wan ele am hele-ettak daatteb; ig hanhan gai-iitta oittem.

Prowerb 26:28

Danab nug laa dilagnu hambuppak nai mattiaya, guittak madatte amu, nug amu dilag nau ninig ele dootte; amu laa nug laanu oo eeɗaknu ittag nai maditte amu, laa amu nug nai amunu ena doya aotte dayeb, nug padal mette.

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Prowerb 7:21

Ah gamu uuitte, danab laa ele oittep ele nug dabmak eeɗak nai amu mattie, danab bau doyak dabmak ena ele iitta nug ah amu ele eheɗ hekkulahnu dim lamittom. Ao, ah nug danab amu nuhig nai ittag ele, nug amuppa nug oo eeɗom.

Prowerb 7:5

Doyak dabmak ena ele, amu diignu doyak tutukku ele aa hepeɗ, na ah ewau pakkua gappai hette ele ii oimya; na ah nug gamu uuitta, eheɗ oiyaya, nug na ele niiglahnu nai ittag ele maditte amu, na nug ele ii oimya.

Prowerb 1:17

Ai awaknu uhui laa mauhnoak otalppeg, ai ag miagib anidkkulag, amuam uɗat meu ele iitta, ⌊amunu hipunin danab amubia kobol nau hena, miag atiakib nauhkkulagnu hetteb amu, na amubia aib heme.⌋

Sam 36:2

Aɗinu? Ag akka ag ahilagnu enanagnab dooglagnu ag akka ahilagnu oo eeɗaknu ittag nai maditteb. Ag Yawe Nug ag hipunin heppeg anidkkunu elele iitta daya, ag eheɗ heppignu ag amelagppa ii ama, ag anam dabmetteb.

Prowerb 28:23

Danab laa nug laa eheɗ heumnu daug batakku dayeb, danab ah ag danab nug daug batak heum ele, ag gog takppa nuhignu oolag elele daakku; amge danab nug oo eeɗaknu ittag nai maditte ele, ag nuhignu oolag elele ii daama.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.