Prowerb 29:3 - Nobonob Baibel

³ Danab nug doyak dabmak ena elenu oo mauhtte amu, nug mameg oo gamag ahak medatte; amge laa nug ib baag ah ele oitteb, nug nuhig en kakidtte.

Prowerb 29:3 Referans Kwoze

Prowerb 27:11

O bekkal, na doyak dabmak ena ele aɗan oikkut, amuppa na heppe, da ool gamag ahakku; na doyak dabmak ena ele aɗappe amu, da aun nug dahilnu, “Keeke hamunab,” dookku amu, da nuhig nai nob mekkulnu elele daakkul.

Luk 15:30

Amge nid nahip amu, nug ib baag ah ele oinna, nahip keeke oh akke ukkom ele amu, haen nug eɗua uɗie, na gamag ahak haknu na makau nag ittag ele aakku qeme,’ awa aum.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Luk 15:13

Nug aa mate aoeh, haen elab iitta amu bekka gehanu nug aha, nuhig keeke am oh akka qagma awa, wan laappa umanab ukkom. Nug nukka appa wan amuppa dayaya, am nuhig men doɗo amu enaen mak kobolppa oh akke ukkom.

Prowerb 28:7

Nid nug Kayaknu ɗo doya, dim lamidtte, nug am doyak dabmak ena ele aɗatte; amge nid nug laa ag oolagppa dubuttid huanak ele, nug ag ele layam daatteb, nug mameg uɗa nak nau guittak ele medatte.

Prowerb 6:26

Aɗinu? Na ib baag ah ele niiglah dayeb, Kayaknu neekkakppa am ena iitta, me na amu hekkut dayeb, na bret kunum laippuib amu haknu ah amu medakkut, amge, na ah ewau pakkua gappai hette ele niiglah dayeb amu, na mauhkkutnu oittem.

Prowerb 21:17

Aun laa nug oo hak nuhignu anuqak dootte, nug daɗek daakku. Ao, aun nug wain, ee ittag elenu oo huana hette, nug enub ele ii daama.

Prowerb 28:19

Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug daɗek daakku.

Prowerb 23:15

O bekkal, na doyak dabmak ena ele dim lamidkkut dayeb amu; da ool gamag ahakku.

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.