Prowerb 29:25 - Nobonob Baibel

²⁵ Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Prowerb 29:25 Referans Kwoze

Sam 118:8

Yawe, nuhig ehanittaknu ooppa genab doyaknu am ena; danab ah laa dilag ehanittaknu ooppa genab doyaknu amu, amuam ena iitta.

Luk 12:4

Jesus Nug nai amu ana amu, Nug nai tuɗitta aum. “O lailad, da ag amelagppa imu attem. Ag laa ag beɗulag aakkuib qekkulagnu elele, ag anam hewona, ag keeke laa hekkulagnu elele iitta, ag amu dilag aib baɗadppig.

Prowerb 18:10

Yawe Nug am lag attan ta ukkak menppa hak, ɠagattag ele, Nug amubia daatte; genab tutukku hak danab ag nuhigppa qaiettan gona, ag bau daatteb.

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Prowerb 16:20

Aun laa nug ⌊Kayak nainu⌋ ippunittak awa dabmedatte, nug ena daakku; amu aun nug Yawenu ooppa genab dootte, nug itittak ena awom daatte.

Prowerb 30:5

Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Stori 5:20

Ag ban henana, ag Kayak unuqidppig amunu, Nug ehanatte, ag Hagri danab, ahilag ehanattak ele eɗadppig. Ruben danab, Gad danab, amu Israel dilag huu okkai Manase huu mahaib amunu danab, danab amu ag Kayaknu oolagppa genab dooppig amunu, ag Nug unuqitteg, Nug ag ehanattom.

Jon 9:22

Anig mameg ele aa Juda okkai dilag baɗapiɗ amunu aa anam apiɗ. Juda okkai ag tatam nai inam qagappig. “Danab laippu laa nug Jesus am Kristus akku amu, ig nug lamidpput, Juda dilag nai doyak lag uua, Kayak binag maknu elele iitta dimittim daakku,” appig amunu, aa baɗapiɗ.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Genesis 20:11

Nug anam a amu, Abraham nug Abimelek oɗeppa awa aum. “Da dakka da nai inam oolppa mattimi. ‘Aben imuppanu danab ag Kayaknu ebehilag oh bodoetta le mak ii dootteb amunu, ag Sarah aoglagnu hena, da iuppeg mauhkkul.’

Aisaia 57:11

Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?

Genesis 26:7

Nug Gerar dayeye, appanu danab ag Aisak, Rebekanu oɗ medappig. Haen ag oɗ mettaeg amu, Aisak nug Rebekanu, “Nug am da waal,” akkunu baɗom amunu, nug Rebekanu, “Nug amu da appinal,” awa aum. Rebeka nug ah iɗu tuqak ele amunu, Aisak nug amu dabmaama, appan danab ag nug Rebeka aoglagnu nug qeppeg mauhmanu, nug Rebekanu, “Da waal,” ii aum.

Genesis 20:2

Appa daayya, Abraham nug Sarahnu aum. “Nug amu, da appinal,” awa aum. Anam aum amunu, Gerar dilag king Abimelek nug Sarah nug wau daakkunu awom.

Daniel 6:23

Daniel anam a, king doya, nug gamag ahak huananab doya, ag Daniel humappeg bekkunu haknunab aum. Nug a, ag Daniel humaeg be, nug nuhig Kayaknu ooppa genab doyom amunu, ag nug beɗuppa eheɗ o guittak laa ii anidppig.

Eklisiastis 7:18

Na Kayak ippunikkomnuib dabmena, ib gamagppa oikkut am ena; amunu diig am, danab nug Kayaknu ebehi oh bodoetta le mette amu, nug aɗi keeke haknu, nug nuhig dabmak buɗieb ukkeb, hakib hekkunu kobol am uukku.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

1 Samuel 15:24

Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,

Matyu 15:12

Haen amuppa nuhikkud ippunittak awak danab ag Jesus gumidna dona appig. “Ɗo gumak danab-Parasia ag nai amu doon, oolag nauhom amu na doottemte?” aon appig.

Sam 69:29

O Kayak, da uug nau doyeye, guittakppa daattem. Nahip Padal ii maknu ehanittak da ehaniɗa, dahil guppiɗ daakkunu oɗ medattem.

1 King 19:3

Nug nai amu me ukke, Elaiya doyowa, nug baɗa aha, mauhmanu oola ukkom. Nug oola ugakka, nug Juda wanppanu aab laa onig Berseba, appa tewowa nug he, nuhig maɗi nid nug appa dayom.

1 Samuel 27:11

Dawit nug haen oh anam Akis amegppa attom, amge danab ameg Dawit nug ag banelag ele goppig, amu oolagppanu laa nug oola, Gat ukka, Akis amegppa ⌊aunnab ag ele ban heppig⌋ amanu amu, Dawit nug danab ah nug ele ban hetteb ele, nug ag oh aqe mauhtteb. Nug laippu laa uue, bau ii daatte. Haen Dawit nug Pilistia wanppa dayom, nug anamib hettom.

1 Samuel 27:1

Dawit, Saul ele aa anam daapiɗ, amge deɗ laa Dawit nug nukka ooppa dabmak awa, inam dabmeum. “Da inamib daakkul amu, haen laa Saul nug geha da iweb mauhkkul. Amu ii bemanu da ahen, Pilistia wanppa ukken daakkul. Da anam heppi, geha Saul nug ippa Israel wanppa da mattiɗkkunu bahi yeeb, da Saul eppegppa ii wapa,” dabmeum.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Duteronomi 1:17

Ag keeke laanu nai doon malan, hettoɗin, epeɗiak henana, ag danab nug onig okkai ele, diig amunu ag nuhignu ena aib heppig. Iitta! Ag nai doya mala hettoɗia epeɗia elele mettak eleleppa danab ah onilag iitta, amu danab onilag okkai ele, amu oh dilagppa heig! Ag oh inamib dabmatteg! Kayak Nug aun eheɗ heum, aun eheɗ ii heum amu dootte, amu haen ag nai doon malan, hettoɗin, epeɗin elele metteb amu, Kayak Nug ehanatteb, ag uɗat amu hekkulag amunu, ag laa ag ahilagnu attem hattaglagnu aib baɗappig. Uug atten laa babaittaknu elele iitta amu ag aon doppeg, da ehanatte bappaidkkul.” Da anam ami.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Sam 119:117

Da eheɗ laa eppegppa ii daapanu, da ena daakkulnu, da nahip ɗo hanhan dabmeinna oikkulnu amu, da na ehaniɗkkutnu oɗ medattem.

Ikki Danab 16:11

Nug anam a, Samson nob ma aum. “Am laa nug da hoh baunabppa ɠagattag qakkiɗeb amu, da laa oh eɗattak, ɠagattag ele iittanab daakkul,” awa aum.

1 Samuel 21:13

Dawit nug Akis baɗittom amunu, haen nug Akis, nuhikkud ehanittak ele gukkuattak dayom amu, nug nuhig oiyak kobol laappa oiyom. Nug ag oolagppa dayaya, kaaka laa bia heum. Nug anam ha, nug aabnu od okkai, nug amuppa kaaka nai ya, amu nug waɗu he na, akkaɗippa dayom.