Prowerb 29:23 - Nobonob Baibel

²³ Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Prowerb 29:23 Referans Kwoze

Matyu 23:12

Am danab aun nug onig humatte amu Kayak Nug heeb, danab amu nug onig nekku. Ge danab aun nug onig qe nette amu, Nug danab amu onig am humakku.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Prowerb 11:2

Danab nug dada kobol dim lamidtte, nug uɗa nak nau guittak ele aokku; amge danab nug nukka onig qe ne oitte, nug danab doyak dabmak ena ele bekku.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Prowerb 18:12

Dada hak danab ag nena qekkulag; amge danab nug nukka nug onig qe nette ele, nug binag aokku.

Matyu 18:4

Amunu laa nug onig qe ne oitte, nid nakok imubia amu, nug Kayaknu ɗo maɗoɗ ooppa, laa oh eɗattak daatte.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Job 40:12

Genab, na dada danab ohnab neekkadna anadna heppe, ag danab nukka onig qe ne oitte bia dayeg! Ao, na nau hak danab oh ag daattebppa oɗoɗadppe, ag nauheg!

Matyu 5:3

“Danab aun aɗi ag oolagppa, ag am elele iitta dootteb ele amu, ag itittak ena aoppig daatteb. Aɗinu? Ag Kayaknu ɗo maɗoɗ ooppa daatteb.

Job 22:29

Aɗinu? Danab laa uugppa tena, uɗa nak dooppeg, na Kayak amegppa, ‘Ehanadppe, ag eɗun, uɗa nak iitta ele daaglagnu oɗ medattem!’ unuqidppe, Nug danab uɗa nak aoppig ele ehanatteb, ag eɗun, enaib daaglag.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Prowerb 16:19

Danab nug nukka onig qe neene, laa ag laa dilag eheɗ hattak waappa daatteb, nug ag oolagppa daatteb, amuam uug daatte, me am ele ena; amge danab nug dada hak danab ele layam bateb, keeke dada hak danab yab aoppig ele laippu aɗan oiglag, amuam ena iitta.

Prowerb 17:19

Aun nug aittaknu oo mauhtte, nug hipunin haknu ele oo mauhtte; aun nug dada nai maditte, nug na qekkunu hette.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.

Obadaia 1:3

Ag Edom danab, ag qauko igippa daatteb. Ao, ag ahilag aab baippa kalatteb. Ag anam daanna, ag dada danab bena daatteb. Ag anam daatteb, amge keeke amu buppualatte, ag eheɗ dabmena, nai mattinna, ‘Aun ig eɗikkeb, ig neta qekkunignu laa iitta,’ anana oitteb, amge iitta!