Prowerb 29:22 - Nobonob Baibel

²² Danab nug oo nauhak danab daatte, nug he, nug mehqak bette; danab nug paha oppoɗi be ameg kokoɗ ebatte amu, nug hipunin kuɗum hette.

Prowerb 29:22 Referans Kwoze

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 17:19

Aun nug aittaknu oo mauhtte, nug hipunin haknu ele oo mauhtte; aun nug dada nai maditte, nug na qekkunu hette.

Prowerb 26:21

Aab o hamad aab aɗuppa eokkunu aabppa metteb; amubia, nug mehqak danab nug nug qak digmette.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Jems 3:16

Am danab laa ag laa dilagnu amelag qe oolag elele ii daatte, amu laa ag akka akka ahilagnuib dabmak okkai aotteb, danab amu ag adeppa daatteb amu, appa danab ah ag daqaqa ii daatteb; ag kobol eheɗ digdig oh hetteb.

Prowerb 22:24

Aib danab oppoɗilag paha paha bette ele layam batappig. Ao, na aib laa nug pahanab oo nauhtte, na nug ele daapiɗ.

Prowerb 14:17

Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.

Prowerb 29:21

Danab nug maɗi nid nuhig nug nid nakokppa digma, nid atognotte amu; deɗ laa gog takppa nid nug nug bekka bekku.

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

Prowerb 27:17

Danab laa nug aen maha laa awa, aen maha laa lahaɗtte bia; danab ag akka akka nug doyak medatteb.