Prowerb 29:2 - Nobonob Baibel

² Genab tutukku hak danab kuɗum bena daaegeg amu, danab ah ag gamag ahak aotteb; nau hak danab ag gumak heegeg amu, danab ah ag oolag uug ele daye, aiqagatteb.

Prowerb 29:2 Referans Kwoze

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

Prowerb 11:10

Haen genab tutukku hak danab ag elele, ena daaegeg, aab okkaippanu danab ah ag oo gamag ahak okkai ele daatteb; nau hak danab ag mauheg amu, danab ah ag oo gamag ahak doon etteb.

Prowerb 28:28

Haen nau hak danab ag gumak aben aotteb amu, danab ag wana, lokkumtteb; amge haen nau hak danab ag nauheg amu, genab tutukku hak danab ag eleleib daatteb.

Esta 8:15

Haen Mordekai nug king uuitta ukka amu, nug lamen enappa bala meum. Nug lamen king metteb ele, amuam lamen elab ed, hakkab ele, nug amu takka, igippa nug haɗ golppa hak okkai laa ma, amu lamen tatam takkom hautaknu nug lamen perpel ele, linen enappa hak ele meum. Aria, danab ah aab okkai Susanu ag ɗo nai yaak laa anidna, ag amunu oo gamag ahak dooppig.

Eklisiastis 10:5

Aam waappa eheɗ hak laa daatte anidmi; eheɗ hak amuam danab okkai, ag beɗulagppa.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Esta 3:15

Am king nug nai haknunab ana, nai awa ukkak danab ag pahanab gona, nai mekkulagnu a, ag anam aakku heppig. Ɗo nai amu aab okkai Susa ooppa aben aɗ ɠagattagnab ele appa ele ebqeppig. Anam daye amu, king nug Haman ele aa le lakkulahnu heɗep neya daapiɗ, amge danab ah Susanu ag nai amu doyeg, ootot aqom.

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

Eklisiastis 10:6

Eheɗ danab okkai hetteb amu, am danab ag Kayak dab-ii-menan ii dim lamidtteb ele tituanadna, danab ah gumadkkulagnu gumak abenppa maadtteb; amge ag danab ag uɗat amu hekkulagnu ehah ele, ag danab amu tituanadna, aben amuppa ii maadtteb. Iitta. Ag uɗat laa hamu, aben amuppa maadtteb.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.