Prowerb 29:18 - Nobonob Baibel

¹⁸ Danab ah ag Kayak nainu ippunittak ii aotteb amu, ag beɗulag, ahilag dabmak ele ag aɗi hekkulagnu eeɗatteh, ag amu aakku hetteb; amge laa ag Kayaknu ɗo dim lamidna oitteb ele, ag itittak ena aoppig daatteb.

Prowerb 29:18 Referans Kwoze

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Jems 1:25

Amge ɗo elelenab, ɗo amuam ig hipuninppanu uhuqigtte amu, danab laa nug ɗo amu diig neekka aut autanab awa, tutukku dim lamitta, nug ɗo amu ele daug ii atitte, nug dim lamidtte amu, Kayak nug danab amu itittak ena medakku.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Prowerb 19:16

Aun laa nug Yawenu ippunittak nai doya dim lamidtte ele, nug nukka nug bauklel nuhig dabma auta aotte; amge aun nug Yawe oɗe ii dim lamidtte, nug mauhkku.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

1 Samuel 3:1

Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.

Matyu 9:36

Haen Nug danab ah kuɗumnab anam anatta amu, Nug oo bodoetta le meum. Aɗinu? Ag uug kuɗum ele dooppig, amge ehanittak laa iitta. Ag am doɗ sipsip ag gumak danab iitta, ag amubia daappig.

Eksodas 32:25

Anam daye, Moses nug danab ah ag mauhnoak, dabmak iitta ele kobol nau digdig henan daaegeg anatta, nug Aron, danab ah ag kobol nau amu ag ii hemananu ele ag amelagppa ii aum doyom. Danab ah ag anam henana, Aron nug aib ii aum amunu, ag oh am kekeɗ ahilag, ag ag anadna, aon aon aqan, onilag heppeg nauhebeb, eheɗ imadkkulagnu ippu madappig ele doyom.

Sam 74:9

Kekeɗ ag anam heppig daye, gemu ig Kayak dabmettaknu kobol danab haknu elele iitta, Kayak Nug ig butti aɗi ehanigkkunu ippunigkkunu laa ii anidttem. Propet oh iitta meppig, ig danab laa waalagppa daattem. Amu haen gane laa ele ukkeb, am anamib daakkun daatte amu, ig ii doottem.

Sam 19:11

Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

2 Stori 28:19

Amge kobol amu oh Juda dilagppa hamu ii beum. Iitta. Juda dilag King Ahas nug Yawe ippunittomnu oo metta ii uuak kobol ii dim lamitta auta autanab awa, hipunin huanak haaha, Juda danab ah ele ag nau hekkulagnu he heppig amunu, Yawe Nug Juda danab ah bu aakku mattom.

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Prowerb 29:19

Danab nug nuhig maɗi nid naippaib nug tolidkkunu elele iitta; amunu diig am, maɗi nid nug daugppa nai dookku, me nug aɗitai laa ii hema.

Sam 119:1

Aun aɗi ag Yawenu neekkakppa ag oolagppa kaliak laa iitta ele, ag Yawenu kobol oh elele dim lamidtteb ele, danab amunu ag aakku itittak ena aoppig daatteb.