Prowerb 29:16 - Nobonob Baibel

¹⁶ Nau hak danab ag kuɗum bena, ena daan oinna, hipunin qeegeg, hipunin hak okkai mette; amge genab tutukku hak danab ag bau daanna, nau hak danab nena qeppeg anidkkulag.

Prowerb 29:16 Referans Kwoze

Sam 92:11

O Yawe, na da ehaniɗe, dahil kekeɗ ag nena qeeg, amelppa anidmi. Ao, Yawe, na ehaniɗe, dahil kekeɗ, ag nau hak danab amu, ag oolnana, eegeg doomi.

Sam 91:8

Anam beeb, na amenppanab Yawe Nug nau hak danab attem bu madatte amu, na neegna anidkkut.

Sam 58:10

Genab tutukku hak aɗi ag Yawe Nug laa ag eheɗ ahilagppa heppig ele nob tutukku madakku anidkkulag amunu, ag gamalag ahakku. Daup laa ag kekeɗ nena qeeg, tiilag na, wan qaɗeppa dayeye, daup amu ag kekeɗ lamadnana, tiilag baelagppa tappan gotteb, amubia genab tutukku hak danab ag nau hak danab eɗadna, gamalag ahakku.

Sam 37:36

amge haen elab iitta nug mauhom! Da nug mattimi, amge da nug ii anidmi!

Sam 37:34

Ag genab tutukku hak danab ah ag Yawe aɗi heeb anidkkulagnu ameg meig! Ag hanhan Nug aɗi atte amu heig! Ag anam hekkulag dayeb amu, Nug ag ehanatteb, ag geha ag aulag wan imu aɗan daaglag. Ge, Nug nau hak danab hatteb nauhppeg anadkkulag.

Prowerb 29:2

Genab tutukku hak danab kuɗum bena daaegeg amu, danab ah ag gamag ahak aotteb; nau hak danab ag gumak heegeg amu, danab ah ag oolag uug ele daye, aiqagatteb.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

Sam 112:8

Nug ɠagattag daatte. Nug aɗi keeke laanu ii baɗama. Nug nuhikkud kekeɗ ag nena qeppeg, nug anadkku.

Sam 92:9

O Yawe, nahip kekeɗ, ao nahip kekeɗ ag wana, padal mena oiglag amunu, danab ah oh ag nau hak kobol qetteb ele, ag tamtam gona, ɠagattag ii daamna.

Prowerb 21:12

Kayak, Nug am genab tutukku haknu diig, Nug aɗi keeke nau hak danab laulagppa bette amu, Nug dootte; amu Nug nau hak danab he nauhtteb.