Prowerb 29:14 - Nobonob Baibel

¹⁴ King laa nug hettoɗiakppa daɗek dilagnu, doyak diig genabib dim lamidtte dayeb; nuhig king dayak am haen oh ɠagattag daakku.

Prowerb 29:14 Referans Kwoze

Prowerb 16:12

Danab king ag gumadtteb ele, ag genab tutukku hak danab daatteb dayeb, amuppa nuhig wan aakku ɠagattag daatte; diig amunu amu, king nug eheɗ hak kobolnu ooppa uuaknab dootte.

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.

Prowerb 29:4

King nug nai doya mala, hettoɗia, eppedia, elele mettak kobol dim lamidtte amu, nuhig wan am ɠagattag daatte; amge king nug lokkumakppa eheɗ haknu ehanittak wagai ma aotte, amuppa nug he, wan nuhig nauhtte.

Prowerb 20:28

King nug oo mauhaknab kobol, oo metta ii uuak kobol ele dim lamidtte dayeb, kobol aɗit amu heeh, nug abenabppa enaib daatte; oo mauhaknab kobolppa nuhig king dayak ii uɗaltte.

Prowerb 28:16

Okkai danab aun nug epeɗia ha dabmak ena awak kobol ii dootte ele, nug nuhikkud danab ah eheɗ hadatte; amge laa nug men doɗo ib eheɗppa awaknu nau ninig ele dootte amu, nug am haen elabnab okkai daakku.

Prowerb 25:5

Na heppe, nau hak danab ag king uuidna, laih daappeg amu; nug genab tutukku hak kobol haaha, nuhig king daakkunu ehah am nug eppegppa ɠagattag daakku.

Sam 89:2

Aɗinu? Nahip oo mauhaknab kobol am ɠagattagnab hanhan daatte. Ao, nahip oo metta ii uuak kobol, amuam hab ɠagattag daatte, ɠagattag anambia daatte.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Jeremaia 22:16

Nug daɗek danab eheɗ ii heppig, nug hettoɗiak haenppa ehanatte, ag eheɗ ii aoppig amunu, keeke oh nuhignu elele ukkom. Danab nug kobol amu hette amu, nug da dooiɗtte. Laa nug kobol amu ii hette amu, nug da ii dooiɗtte,” awa atte.

Jeremaia 5:28

Ag keeke oh ele, beɗulag am enaib daatte. Ag ahilag eheɗ hak am batak iitta; hakib hetteb. Hettoɗiakppa ag nid laa mamelkad mauhppig naippa ii ehanatteg, ag nai doya, hettoɗia, epeɗia, elele mettak kobol nakok laa ii anidtteb. Ao, ag daɗek danab ah ii ehanatteg, ag aɗi keeke aoglagnu daatteb amu, ag ii aotteb.

Aisaia 1:17

Ag dabmak ena aon, kobol genab tutukkuib hekkulagnu dabmettan, aon aɗan oiyeg! Ag kobol genab tutukku amu henana, ag nai doya mala hettoɗia epeɗia elele mettak kobol dabmenan, dim lamitteg! Ag danab laala ag lailkad laa, ɠagattag nakokib eheɗ hadatteb ele amu, ag hak nau amu bappaladnana, eheɗ hak danab bu matteg! Ag nid ag mamelkad mauhppig ele, ag hettoɗiakppa atognoatteg! Ag ah qab, laa ag amu dilag eheɗ hadatteb anidna, ag hettoɗiakppa, o adekkuppa ag ah qab amu ehanadnana, atognoatteg!” Yawe Nug anam awa atte.