Prowerb 28:9 - Nobonob Baibel

⁹ Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Prowerb 28:9 Referans Kwoze

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Sam 109:7

Haen danab nau amu hette hettoɗiakppa hibaitta dayebeb, na heppe, ag nug eheɗ heum anidkkulagnu oɗ medattem. Nuhig unuqittaknu, ‘Am hipunin laa aakku,’ dabmekkutnu unuqidttem.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Prowerb 10:3

Yawe Nug he, danab genab tutukku hak kobol dim lamidtteb ele, ag enugppa ii daatteb; amge Nug he, nau hak danab ag aɗi keeke aoglagnu oo hak okkai dootteb ele amu, ag keeke amu ii aotteb.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Aisaia 41:24

Amge ⌊ag elele iitta⌋. Ag keeke ii daatte bia daatteb. Ag keeke laa hekkulagnu elele iittanab. Aun nug ag dim lamadkkunu dabmak awa dim lamadtte amu, Yawe Nug ⌊kobol amunu⌋ ooppa uuaknab dootte,” awa atte.

Sam 94:20

O Kayak, gumak danab ag nau hetteb ele, ag danab ah ɗoppa heeg nauhtteb amu, ag na laipad daaglagnu elele iitta.

Jeremaia 14:12

Danab ah imu ag ee ohnu kud mena daaglagtai, amge diig amunuib da ahilag unuqittak ii doopa. Ag manaknu ofa, amu ee aegnu ofa ele hekkulagtai, amge diig amunuib da ahilagnu ena ii doopa. Iitta. Da heppi, ag banppa, enugppa, amu oɗe nau danab kuɗum aqe mauhtteb eleppa ele mauhadna, padal mekkulag,” awa aum.