Prowerb 28:5 - Nobonob Baibel

⁵ Eheɗ hak danab ag nai doya mala hettoɗia epeɗia elele mettak kobol diig tutukku ii dootteb; amge danab ag Yawe antta, Nug dim lamidkkulagnu Nug maditteb, ag nai doya mala hettoɗia epeɗia elele mettak kobol diig tutukkunab dootteb.

Prowerb 28:5 Referans Kwoze

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Prowerb 24:7

Danab nug Kayak dab-ii-maama ii dim lamidtte, nug am doyak dabmak ena elenu diig tutukku ii dootte; nug ikki danab dilag qagmak aben aab nuhig odppa daatte, nug appa nai laa madikkunu elele iitta.

Prowerb 15:24

Danab doyak dabmak ena ele dilagnu amu, ahilagnu bau dayak ib am taata gotte; ag mauhak abenppa nomananu anam hette.

Sam 119:100

Da nahip oo yaak nai ɗo bia, da nai amu dim lamitten oittem amunu, da diignu doyak tutukku dahil am okkai, danab kaino dilag eɗidtte.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Prowerb 2:9

Yawe amu hette amunu, ⌊na nuhigppa doyak dabmak ena aokkut dayeb,⌋ na geha kobol tutukku, nai doya mala hettoɗia epeɗia elele mettak kobol ele dookkut. Na geha aɗi ib am ena, na amu dookkut.

Aisaia 6:9

Da anam ai amu, Naɗi Nug da amelppa aum. “⌊Ena,⌋ na gona, danab ah dahilad imu amelagppa nai imu appe doyeg! ‘Ag nai daulagppa doon doon daaglag, amge nai meu am tutukku ii doomna. Ao, ag neegna neegna daaglag, amge ag diig tutukku ii anidmana.’ Na anam aon a!” awa aum.

Aisaia 44:18

Danab ag anam hetteb ele, ag dabmak iitta. Ag keeke laa ⌊unuqagnu⌋ diignu doyak tutukku iittanab. Aɗinu? Ag danab nug ameg hautaknab, keeke iinab anidtte, ag amubia keeke genab anidna dooglagnu elele iitta. Od manak dayeye, danab nug lag ooppa gokkunu ib iitta, amubia dabmak tutukku ahilag dabmakppa gokkunu ib iitta amunu, ag diignu doyak tutukku laa aoglagnu elele iitta.

Sam 119:98

Nahip ɗo hanhan da gukkuiɗak daatte amunu, ɗo amu he, dahil doyak dabmak ena ele, am dahil kekeɗ dilag doyak dabmak ena ele eɗidtte.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.