Prowerb 28:28 - Nobonob Baibel

²⁸ Haen nau hak danab ag gumak aben aotteb amu, danab ag wana, lokkumtteb; amge haen nau hak danab ag nauheg amu, genab tutukku hak danab ag eleleib daatteb.

Prowerb 28:28 Referans Kwoze

Prowerb 29:2

Genab tutukku hak danab kuɗum bena daaegeg amu, danab ah ag gamag ahak aotteb; nau hak danab ag gumak heegeg amu, danab ah ag oolag uug ele daye, aiqagatteb.

Job 24:4

Daɗek danab ag ibppa oiyegeg, danab eheɗ hetteb ag ibppanu lamadtteb. Ge, eheɗ hak danab ag anam eheɗ hattegeg, daɗek danab ah oh ag oolna, lokkumna daatteb.

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

Esta 8:17

Aab okkai ohppa, amu prowins ohppa ele, kingnu ɗo nai ukke amu, Juda ag gamag ahak okkai doonna, ag amunu hobul heppig. Amu danab ah kuɗum wan amuppanu, ag Juda, ahilagppa attem hekkulag, ag amunu baɗak dooppig amunu, ag Juda beppig.

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

2 Stori 22:12

Jehoseba nug Joas maɗ eblaih laippu ele Kayaknu mettid lag ooppa nug gamu ele lokkumeh dayom. Dayeye, haen amu Atalia nug Juda dilag kuin dayom.