Prowerb 28:26 - Nobonob Baibel

²⁶ Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Prowerb 28:26 Referans Kwoze

Prowerb 3:5

Amu na meut ohppa Yawenu ootppa genab doye! Ao, na diignu doyak tutukku nahip aib anuqak dabmettanna oime.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

2 King 8:13

Elisa nug nai amu mattie, Hasael doya, nug Elisa nai mattiom amu nob ma, inam oɗ meum. “Da, nahip maɗi nid, da qai laabia aakkuib amunu, da attem hein, keeke naɗi amu da anam hekkul,” oɗ meum. Oɗ me amu, Elisa nug amegppa aum. “Yawe Nug keeke imu da ippuniɗom; na geha Aram dilag king bekkut,” awa aum.

Prowerb 2:12

Doyak dabmak ena ele ehanitteb, na nau hak danab eppelagppa ii daamna. Ao, na danab ag eheɗ haknu ag tiilagppa daatte amu, na danab amu eppelagppa ii daamna.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.