Prowerb 28:25 - Nobonob Baibel

²⁵ Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

Prowerb 28:25 Referans Kwoze

1 Timoti 6:6

Amge danab nug Kayaknu kobol tutukku dim lamittatta, nuhig keekeppa, “Aakku elele,” dabmette amu, nug enaib daatte, keeke oh awom bia.

Prowerb 11:25

Keeke mettaknu oo qak iitta danab, nug am keekenu elelenab daakku. Ao, danab nug laa ehanadtte, nug geha ehanittak aokku.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Prowerb 29:22

Danab nug oo nauhak danab daatte, nug he, nug mehqak bette; danab nug paha oppoɗi be ameg kokoɗ ebatte amu, nug hipunin kuɗum hette.

Prowerb 22:10

Laa heeb, awa awa qettak danab qema, nug appa ii dayeb; nug mehqak, nai a ona a doak, onig he nauhak ele ii daama.

Prowerb 21:24

Danab nug dada danab, beɗuppa tak danab ele amu, nug onig am Awa Awa Qettak Danab; beɗuppa tak kobol nuhig am bodok iitta.

Prowerb 15:30

Laa nug layag ena neekkitte, layag nug gamag ahak dootte; laa nug keeke beumnu nai ena dookku dayeb, nai ena amu nug beɗu ena ɠagattag ele daakkunu ehanidtte.

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Aisaia 58:11

Ag amu hekkulagnu dayeb amu, Yawe Nug ulum matta, atu taɗak gakkaɗak nau eleppa Nug le, ee keeke, ag bau daaglagnu laa ele madakku. Nug ag beɗulag ele ɠagattag madakku. Nug amu heeb, ag dad le elelenab aotte bia daaglag. Ag le qeppuɗia bette, deɗ laa ii qaɗaiedatte amu, ag le amubia daaglag.

Prowerb 10:3

Yawe Nug he, danab genab tutukku hak kobol dim lamidtteb ele, ag enugppa ii daatteb; amge Nug he, nau hak danab ag aɗi keeke aoglagnu oo hak okkai dootteb ele amu, ag keeke amu ii aotteb.

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.