Prowerb 28:23 - Nobonob Baibel

²³ Danab laa nug laa eheɗ heumnu daug batakku dayeb, danab ah ag danab nug daug batak heum ele, ag gog takppa nuhignu oolag elele daakku; amge danab nug oo eeɗaknu ittag nai maditte ele, ag nuhignu oolag elele ii daama.

Prowerb 28:23 Referans Kwoze

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Galesia 2:11

Ig anam hemut, amge Pita nug Antiok uɗie, da nug noobppa nug eheɗ heumnu ai doyom. Aɗinu? Nug eheɗ imu heum.

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

1 King 1:23

Be, kingnu maɗi nid ag king amegppa appig. “Propet Natan nug uɗiom,” appig. Ag aeg, ⌊Batseba aha ukke,⌋ Dawit nug Natan dokkunu a, Natan nug king gumitta wana, gateg qaun o, gomela, iɗu wanppa meum.

2 Samuel 12:7

Dawit nug anam a amu, Natan nug eɗua amegppa aum. “Danab kobol nau amu heum am naib! Yawe, Israel dilag Kayak, Nug na amenppa atte. ‘Da na Israel dilag king daakkutnu goɗen gokkaɗakppa tituanitti, na king daattem. Da hei, Saul ii nitte mauhme.

Prowerb 24:25

Amge epeɗiak danab nug laa eheɗ heumnu, “Nug eheɗ heum,” atte amu, nuhignu am ena. Ao, nug itittak ena aokku.

Job 32:21

Da nai mattieye, da laanu diig iittappa ena doya, laanu diig iittappa eheɗ doyak kobol dim lamitten, ii nai madipa; da danab laa nug dahilnu ena dookkunu hambuppuen, oo eeɗaknu ittag nai ii madipa.

Job 32:22

Aɗinu? Da hambuppuitta, oo eeɗaknu ittag nai mattilom amu, Kayak, Nug da heiɗom, Nug paha heeb, da nauhkkul.” Elihu nug anam ⌊danab nukka daya, nukka nukka ele nai maditte bia⌋ mattiom.