Prowerb 28:2 - Nobonob Baibel

² Wan laappan danab ah ag nai tappe nak danab ah daatteb dayeb amu, wan amuppa gumak danab laa ba, na qe, laa ahatte; amge wan laappan danab okkai nug doyak dabmak ena ele, diignu doyak tutukku ele amu, wan amu ɠagattag daatte.

Prowerb 28:2 Referans Kwoze

1 King 15:28

Basa nug Nadap qe mauhe amu, Basa nug Nadap abenabppa king ba dayom. Keeke imu beum, haen amu Asa nug nuhig maɗ ewamppa Juda dilag king dayom.

Hosea 13:11

Ag anam appig amunu, da ool nauhehe, da ag king mattami. Ge, da oppoɗil be, da ahilag king eɗue aɗidmi.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Aisaia 58:12

Ag tutukku anam oiglag dayeb amu, Yawe Nug heeb, ag buɗulkad ag aab, lag keeke, laa ag anukkanab heeg nauhom, ag amu eɗun bappaidkkulag. Ao, aab, lag keeke, ag men ukku heeg nauhom amu, ag eɗun bappaidkkulag. Ag amu hebeppeg, laa ag ahilagnu, “Danab amu ag gilil he nauhak daatteb babaittak danab,” akkulag. Ao, ag amu hebeppeg, laa ag ahilagnu, “Danab amu ag ib, lag ele babaittak danab,” aon akkulag.

Eklisiastis 9:15

Amu aab nakok okkai amuppa daɗek danab laa dayom, nug doyak dabmak ena okkai ele amu, nug aab amuppan danab doyak dabmak okkai ele nuhigppanu ib ippuanatte, kekeɗ ag aab amu ii eɗadppig, amge amu dimppa aab amuppan danab ag daɗek danab ag ehanattom ele, ag nug daulag atiom. Nug aɗi keeke ena laa ii medappig.

1 King 15:25

Asa nug Juda dilag king dayeye, amu maɗ aɗitppa Jeroboam bekka Nadap nug Israel dilag king ba, nug maɗ aɗitib king dayom.

Prowerb 11:11

Haen Kayak Nug nuhikkud danab ah, ag genab tutukku hak danab ah amu, haen Nug ag itadtte, ahilag aab okkai ena daatte; amge nau hak danab ag ahilag naippa heeg, aab nauhtte.