Biblia Todo Logo
Bib sou entènèt

- Piblisite -




Prowerb 28:14 - Nobonob Baibel

14 Danab aun nug hanhan Yawenu ebehi oh bodoetta le mette, nug itittak ena awom daatte; amge aun nug kobol ena hemanu dabmak nuhig ɠagattag ebatte, nug am uugppa notte.

Gade chapit la Kopi




Prowerb 28:14
18 Referans Kwoze  

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!


Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.


Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!


Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.


Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!


Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!


Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.


Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.


Nai amuam inam. “Ag mamelkad aɗi ag Meriba appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom. Ao, ag mamelkad aɗi deɗ laa Masa appa, Masa am atu taɗakppa daatte amu, ag appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom.


Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?


Da haen oh bau dayeye, Yawe neekkidttem. Yawe Nug hanhan ouiwa daatte anidttem. Nug da ele ouqeɗa, ɠagattag meɗatte amunu, keeke laa da ii uɗaliɗma.


Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!


Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.


Amu Israel ag yu mataɗna waeg, Isip dilag ban daup ag Israel dim lamadna nona gona, ag ele yu mataɗna gona gamagppa goppig; daup ag bannu karis attan ban heppig, amu daup ag hos attan daan, ban heppig ele, ag oh goppig.


Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.


Paro nug dab-ii-meum. Iitta. Nug eɗua nuhig lag enanagnab, appa ukkom. Nug keeke amunu dab-ii-ma, uug ii doya, oo ele ii baɗom.


Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.


Swiv nou:

Piblisite


Piblisite