Prowerb 28:13 - Nobonob Baibel

¹³ Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Prowerb 28:13 Referans Kwoze

Job 31:33

Laa amu, deɗ laa da hipunin hemi, haen amuppa da danab ah ag dahilnu eheɗ doomnanu dabmemilob, o iitta, da aab ikki dilag danab ah ag dahilnu, ‘Keeke hamunab,’ doomnanu dabmemilob, haen amuppa danab hetteb bia da beɗulppa aab daatte oolppa lokkumlomlob; da dimittim ukken, miag ii ainne, hipunin dahil amu danab ah noolagppanu lokkumlomlob, ⌊Kayak bu meɗalo am elele, am tutukku.⌋

Job 33:27

Danab Kayak bu amu mettom ele amu, nug eɗua, ena daya, nug laikkud amelagppa atte. ‘Da hipunin hemi. Da aɗi kobol am tutukku doomi, amge da uuen, eheɗ hein, da nob nau awen mauhkkulnu daami, amge Kayak ehaniɗe, da ii mauhmi.

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Genesis 4:9

Mauhe amu, Yawe Nug Kain amegppa aum. “Na amap Abel adeppa daatte?” awa oɗ mettom. Oɗ mette amu, Kain nug aum. “Eetai, da ii doottem. Da haen oh Abel gume daakkulnu daattemte?”

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.

1 Samuel 15:24

Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,

Prowerb 17:9

Aun nug laanu hipunin daug atitte, nug oo mauhak kobol he, okkai mette; amge hipuninnu dimug ma mattiak, amuam layam otaɗtte.

1 Samuel 15:13

Amu Samuel nug nai amu doya, nug Saul dim lamitta ukka te, Saul nug Samuel amegppa aum. “Yawe Nug na itidkkunu ool daatte. Da Yawenu nai aakku dim lamitten, Nug da aɗi hekkulnu aum amu, da aakku hemi,” awa aum.

Lewitikas 5:5

Amunu aun nug ib amu ohppanu ib laappa hipunin heeb, beɗuppa aab ele daakku amu, nug hipunin miagib madikkuoitte.

2 Samuel 12:13

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,

2 Samuel 14:32

Joap nug anam a, Apsalom nug aum. “Antte! Da na nai imu aon gona, king medakkutnu oninppa emi. Nai amuam inam. ‘Aɗinu da Gesur uue uɗimi? Da na ii anidttem amunu, da appaib daalom am ena.’ Da na anam king amegppa akkutnu na oninppa emi. ⌊Da na gona, king amegppa anam akkutnu hemi, amge na ii dabmenana, ii uɗime amunu, da hei, dahil maɗi nid ag kobol amu heppig.⌋ Amge gemu amu, da king anidkkulnunab dabmettem. Da anidppi, da eheɗ laa hemi dayeb amu, nug da iweb mauhei!” awa aum.

Esra 10:11

Ag amu heppig amunu, ag hipunin ahilag Yawe, ag mamelkad aɗi dilag Kayak, ag Nug amegppa miagib madippeg doyeb, ag Nug oɗe aon, dim lamitteg! Danab ah ag Kayak ii dim lamidtteb, ag miag taliliadna daatteb, ag akka ag awaidna, danab ah amu ele ouqak ii daaglagoitte. Laa amu, ag ahilagppan ah diippig ele amu, ag ah amu appeg gokkulagoitte,” awa aum.

Nehemaia 9:2

Israel buɗub qagmeppig ele ag, ag wan laihnu danab dilagnu, ag akka ag awaidna daappig. Ag amu hena, ag qagmena, hippaidna daanna, hipunin ag heppig, ag mamelkad aɗi nau aɗi heppig, amu ele ag Kayak amegppa miagib madippig.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Ikki Danab 10:15

Nug anam aum, amge Israel ag Yawe amegppa appig. “Ig hipunin hemut. Na nakka ig bu megakutnu oɗ medattem. Na bu attem megakkutnu dabmena megakkut am nahip-ppa daatte, amge na ehanigppe, ig kekeɗ eppelagppa ii daamtanu oɗ medattem,” aon appig.

2 King 20:15

Awa a amu, Aisaia nug oɗ mettom. “Ippa nahip lag enanagnabppa ag aɗi anidppig?” awa oɗ mettom. Nug anam oɗ mette amu, Hesekaia nug aum. “Dahil lag enanagnab, ippan keeke oh ag anidppig. Da keeke laippu laa, dahil en lakka daatte amu, da keeke anam laa ii lokkummi. Da dahil keeke oh ippunadmi,” awa aum.

2 Stori 6:26

Amu ig Israel, ig nahipad danab ah, ig nahip-ppa hipunin hekkunig dayeb, diig amunu na heppe, ihinigppa gu ii nekku dayeb, amu na uug amu ihinig hipuninnu nob daakkunu megappe, diig amunu dimppa ig oonig eɗueb, na onin am Yawe tutukku dabmetata, hipunin dimettata, ig amenigppa lag imuppa neegpput uɗieb, na unuqidkkunig dayeb amu,

Esra 10:2

Esra anam he, Jehiel bekka Sekania, nug Elam buɗub laa, amu nug aha, Esra amegppa aum. “Danab ah ag ig miag taliligna daatteb, ig ahilagppan ah diimut, amuppa ig ihinig Kayak ippunikkomnu oo metta ii uuak kobol ii dim lamidta hemut. Ig anam hemut, amge dahil ooppa genab doyakppa, da ig oonig eɗueb, ig eɗut, ib tutukkuppa oignig dayeb amu, Kayaknu ehanittakppa ig Israel, ig ena bekkunu dabmak aɗa dayaknu dabmekkunignu elele.

Job 34:31

Danab laa nug Kayak amegppa, ‘Da hipunin hemi, beɗulppa aab ele, amge da baula anam ii hepa,’ akku dayeb,

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.