Prowerb 28:1 - Nobonob Baibel

¹ Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Prowerb 28:1 Referans Kwoze

Duteronomi 28:7

Kekeɗ ag banelag uɗin, aqaglagnu ban hekkulag me, Yawe Nug ehanatteb, ag eɗadkkulag. Kekeɗ ag ib laippuppa uɗin aqaknu ban hekkulag, amge ag ib kuɗumppa, noolagppan oolna gokkulag!

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Sam 112:7

Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Aposel 14:3

Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.

Jeremaia 20:4

Aɗinu na onin anam daakku? Yawe Nug amunu inam atte. ‘Da heppi, na eheɗ nau baɗanna oippe, na laipad ele ag eheɗ nau baɗan oiglag. Na amenppanab na laipad ag kekeɗ dilag qep elabppa mauhppeppeg anidkkut. Da Juda danab ah oh Babilon dilag king eppegppa maadppi, nug ag diia, Babilon gokku, o iitta nug qep elabppa aqeb mauhkkulag.

Lewitikas 26:36

Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag.

Duteronomi 28:25

Yawe Nug heeb, ahilkad kekeɗ ag eɗadkkulag. Am ag kekeɗ ahilkad, ag ib laippu amuppaib banelag gona, aqaknu ban hekkulag, amge ag ib kuɗumppa ahilag kekeɗ noolagppanu oolna gokkulag! Ahilagnu amu, wan atu ohppan danab ah ag, ag anadna, amelag iɗuak dooglag.

2 King 7:15

King nug he, nuhikkud danab ag gona, Aram goppig baelag mattan gona, Jodan leppa batappig. Ag baelag mattan gonana, ibppa Aram ag paha gokkulag henana, ag keeke kuɗumnab mauhnoak akkaeg ukkom niiegeg anidppig. Ahilag ban lamen, am keeke laala ele. Anttona, ag eɗun gona, king amegppa appig.

Aisaia 7:2

⌊Amu king aɗit amu aa qagmeeh, haen amuppa⌋ laa Juda dilag king Ahas, nuhikkudppan ele nai laa aeg dooppig. Amu ag inam appig. “Aram ban danab ag Israel ele oh qagmeppig,” aon appig. Ahas nug nai amu doye, nug, nuhikkud danab ah ele ag baɗan, eheɗ hahaɗppig.

Eksodas 11:8

Keeke amu beeb, nahipad ehanittak anuqak danab imu, ag geha uɗin, da noolppa gomelna, ag ɠagattag inam akkulag, ‘Na ukke! Na nahipad danab ah ele, ag pahanab ukkeg!’ Aria, keeke amu oh ba maleb, dimppa amu, geha da Isip uukkul,” awa aum. Moses nug anam awowa, nug oo nauhak nau doyaya, nug Paro uuitta, dimittim ukkom.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Nehemaia 6:11

Semaia nug anam aum, amge da nug amegppa ami. “Danab da bia nug aha oolkku am enate? O laa nug da bia amu, nug laa ii qemanu, nug bau daakkunu nug oola, Kayaknu mettid lag, amuppa gokku am enate? Da appa ii gopa!” awe ami.

Prowerb 27:27

Laa amu, na anam hekkut dayeb, na meeme dilag huh huanak ele daappe, na, na baenadppa ele ag labeppeg, nahipad maɗi ah ag ele lakkulag.

Aisaia 30:17

Amu ag Juda danab 1,000 daappeg, kekeɗ laippuib uɗia heeb, ag Juda ag oolkkulag. Kekeɗ tanig eleib heppeg, ag Juda oh ag oolkkulag. Kekeɗ ag anam hebeppeg ukkeb, ag Juda ag laippu laippu, biidod laippu nukka qauko igippa daatte, ag amubia daaglag. Ao, anam hebeppeg ukkeb, ag Juda ag laippu laippu, pilak nukka qauko igippa daatte, ag amubia daaglag.” Yawe Nug anam atte.

1 King 1:49

Am danab Adonaiya ele daanna ee lappig ele amu, ag Jonatan nai amu a doon, ag baɗan, ag paha ahan, Adonaiya uuidna, matatun goppig.

Job 15:21

Nug oqotti nau daugppa doya, nug eheɗ nau baɗatte. Ao, nug maɗoɗ daatte bia doya dayeye, haen amuppa danab ag ban hena danab aqadna ahilag keeke yab aotteb, danab amu ag banelag uɗieg, nug ele ban hetteb.

Sam 53:6

Da Kayak, Nug Sion Qaukoppa daatte amu, da Nug nuhikkud danab ah, Israel, Nug ag ehanatteb, ag padal ii memananu ool naɗi daatte! Ao, Kayak Nug nuhikkud danab ah, Jakop buɗuppud, Nug ag ehanatteb, ag eɗun ena daanna, ag gamag ahak doyeg! Ge, Israel danab ah ag gamag aheg!

Prowerb 10:9

Danab nug dabmak oiyak nuhig ele am tutukkuib amu, nug ɠagattag daakku; amge laa nug oiyak nuhig kaliak ele amu, nug bu aokku.