Prowerb 27:6 - Nobonob Baibel

⁶ Layapnu daug batakppanu guittak awak, amuam keeke genab, nai amunu na genab elele dookkutnu elele; amge kekeɗnu ootuqittak huanak, amuam keeke genab iitta.

Prowerb 27:6 Referans Kwoze

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Hibru 12:10

Ig mamenkad ag ig ena bekkunignu amu haen tutuib, ag oolag anam daatte ele, amu dim lamidna toligna, bu iqappig, amge Kayak Nug ig ehanigkkunu, Nug oppiaawak daatte, ig ele amubia daagnignu tolikka bu iqatte.

Prowerb 10:18

Am laa nug laanu, nug layag bia hette, amge nug ooppa, nug nuhignu nau ninig ele dootte, nug am hambuppuak danab; danab nug laa onig nauhkkunu nai maditte, nug am Kayak dab-ii-maama ii dim lamitta oiyak danab.

Prowerb 20:30

Ihi qaɗaietta heehe, keeke nau noa gotte; amubia danab nug eheɗ ha, nug amunu guittak awe, baula hemanu dabmak nug oo unuqagppanu noa gotte.

Prowerb 27:7

Danab nug oo dittiak dootte, nug uppuh leppu, ⌊aɗitai ee laa ele⌋ lakkun uutte; amge danab nug enug qette amu, nug ee lanak baag ninig ele ubuhi bia doyaya latte.

Prowerb 28:23

Danab laa nug laa eheɗ heumnu daug batakku dayeb, danab ah ag danab nug daug batak heum ele, ag gog takppa nuhignu oolag elele daakku; amge danab nug oo eeɗaknu ittag nai maditte ele, ag nuhignu oolag elele ii daama.