Prowerb 27:23 - Nobonob Baibel

^23-24 En okkai am hanhan ii daama; king, nug buɗub ele, ag hanhan king ii daamna. Diig amunu na ⌊keeke ele daakkutnu, na⌋ nahip makau ag attem daatteb doon autna awe! Ao, na nahip sipsip atognona gumatte!

Prowerb 27:23 Referans Kwoze

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

2 Stori 26:10

Amu Usia nug ⌊daup ag aguppa daappeg, kekeɗ ag uɗippeg anadna ban hekkulagnu,⌋ atu taɗakppa ele ⌊ban haknu⌋ lag attan ta ukkak menppa hak ele hattom. Usia nug doɗ kuɗumnab ele. Doɗ amuam qauko okkai diigppa qauko nakok daatteb, amuppa, amu wan uɗemppa ele daappig amunu, nug le aben laala wan moɗppa qagmeeb, doɗ ag lakkulagnu wan moɗ ele buuattom. Amu Usia nug dad hekkunu oo huana heum amunu, nug he, danab kuɗum ag eenu dad nuhig, grepnu dad nuhig ele, qauko nakokppa, oolnu noak wan ittag eleppa daappig amu, danab amu ag aguppa daan atognoadppig.

Genesis 33:13

Awa a amu, Jakop nug aum. “O naɗi dahil, na doottem. Nid naunau dahilad ag ɠagattagnab iitta, amu ele, da sipsip, makau ele ag nalkad yuɗ ele huh latteb amunu, da dabmatte aute aokkuloitte. Ig deɗ laippuib doɗ huanak lamadpput amu, doɗ amu oh ag mauhkkulag.

Prowerb 24:32

Da antten amu, da aɗi anidminu dabmak ena laa aokkulnu dabmein; aakku da ippunittak ena laa anidmi.

Jon 10:3

Amunu nug uɗie, sipsipnu od gumak danab nug od matula mette, nug ooppa no, sipsip nuhikkud ag nug baag dootteb. Ag dootteb amu, nug nuhikkud sipsip onilagppa ewa diia, dimittim gotte.

Esekiel 34:31

Amu Yawe Nug atte. “Ag Israel, ag am dahilad sipsip. Ag dahil gikkiɗah dadppa daatteb. Ag dahilad danab ah daatteb, da ahilag Kayak daattem.” Naɗi Yawe Nug anam aakku atte.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

1 Samuel 17:28

Aria, Dawit nug ban danab laa ele ag anam mattiegeg amu, Dawit awag tatamnu, Eliap, nug ag mattiegeg, nug Dawit aum amu doya, nug amagnu oo huan nauhom. Oo nauhe, nug Dawit amegppa aum. “Na aɗinu ippa uɗime? Aun sipsip ameg nakok atu taɗakppa gumadtte? Da doottem, na am nakka, nahip dabmak dim lamittak danab ele, ootppa nau hakib ambak. Na keeke laippunu uɗime, amuam na ban imu anidkkutnu uɗime,” awa aum.

Eksodas 7:23

Paro nug dab-ii-meum. Iitta. Nug eɗua nuhig lag enanagnab, appa ukkom. Nug keeke amunu dab-ii-ma, uug ii doya, oo ele ii baɗom.

Prowerb 24:27

Na lag hak ii digmak daanna, tatam na nahip dad hena, ee eppe!

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Esekiel 34:12

Sipsip gumak danab ena nug nuhikkud sipsip matatun goppig ele eɗua diia atognoadtte, amubia da dahilad sipsip atognoadkkul. Da ehanadppi, ag atu laih laih matatun goppig daatteb, ag appanu eɗun uɗin, ippa daappeg, da ag atognoadkkul. Deɗ da amu hekkulppa, deɗ amuam lombig hab oh tona dayeb, gatatu manak daakku.