Biblia Todo Logo
Bib sou entènèt

- Piblisite -




Prowerb 27:22 - Nobonob Baibel

22 Danab nug ee aeg awa, ganuɗaknu masinppa me ukke, kalu daatte. Anam amge, na danab nug Kayak dab-ii-maama ii dim lamidtte ele, na nug anam bia eheɗ hedakkut dayeb amu; nug nuhig Kayak dab-ii-maama hak kobol ii uuma.

Gade chapit la Kopi




Prowerb 27:22
14 Referans Kwoze  

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.


Na wain huana lawona, na inam akkut. “Ag da oiɗppig, amge da guittak ii meɗappig. Ao, ag da oiɗppig, amge guittak laa ii doomi. Da ganeb le baula lakkulnu niiaknu uue, eɗuen ahakkul.” Na anam akkut.


⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.


Aria, tuqan amuppaib Paro, nuhikkud ehanittak anuqak danab, amu Isip laa oh ele ag tuqan ahan, ag ahilkad nid ⌊danab⌋ tatamnu mauhatteg anadna, laih Isip ohppa amu, danab ah ag qanak huanak naɗi heppig. Aɗinu? Lag anen anen ohnu nid ⌊danab⌋ tatamnu mauhadppig.


Aria, Israel ag ukkaegeg, laa ag Isip dilag king Paro amegppa, “Israel ag oolna goppig,” aeg doyom, diig amunu nug, nuhikkud ehanittak anuqak danab ele, ag dabmak ahilag eɗue, ag appig. “Aɗinu ig heut, Israel ag ahan goppig? Ig anam hemut amunu, geha ag ihinig uɗat laa ii hemana. Ig kobol kaboliaknab hemut,” aon appig.


Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’


Qai nug bahowa, nug eɗua awa latte; amubia, danab nug Kayak dab-ii-maama ii dim lamitte ele, nug Kayak dab-ii-maama hak kobol eɗua baubau hette.


Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?


Ag anam heeg, laa aeg, Saul doyom amu, nug danab ameg laa maatte goppig, amge ag ele anamib gona, propet nai mehuqppig. Ag anam heeg, Saul nug danab ameg laa maatte goppig, amge ag ele gona, anamib heppig.


Keeke amu beum, King Jeroboam nug anttom, amge nug nuhig kobol eheɗ ii uuom. Iitta. Nug baula nukka kayak hambuppuak dilag mettid lag nakokppa ag mana mettak uɗat hekkulagnu, nug danab ah oh dilagppanu mana mettak danab daaglagnu danab diia otiattom. Danab aun nug mana mettak danab daakkunu oo dayom amu, Jeroboam nug danab am uɗat amu hekkunu baɗ mettom.


Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.


Swiv nou:

Piblisite


Piblisite