Prowerb 27:18 - Nobonob Baibel

¹⁸ Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Prowerb 27:18 Referans Kwoze

2 Timoti 2:6

Amu ele, danab nug dad uɗat ɠagattag hette amu, nug dad amunu meu digdig tatam aokku am kobol tutukku.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

Solomonnu Ahi 8:12

Anam, amge grep dad dahilnu ⌊amuam da meul oh,⌋ dad amuam da gamul Solomonnu aakkuib daatte, da amu oh nug medattem; grep dad nahip laa, O Solomon, amuam nahip, na 11.5 kilogram silwa appanu aokkut, amuam nahip, amu 2.3 kilogram silwa am laa ag dad amu gumatteb ele dilag. ⌊Amge dahil grep dad amu, dad amu ohnab am nahipib daatte.⌋

1 Korint 3:8

Aria ee eppak danab, le mettak danab ele, aa oh diig laippunu uɗat hettep, amge maɗi ahilah am anen anen. Kayak Nug maɗi ahilah antta, melemel amuppa nob ena matakku.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Luk 19:17

‘Na maɗi nid ena, na uɗat enanag heme, na keeke nakoknab oo metta ii uuak kobolppa dabmettan autna aome amunu, gemu da na aab okkai 10 gumadkkutnu ɠagattag medattem,’ awa aum.

Matyu 24:46

Aria, dimppa maɗi nid amunu okkai nug laih ukkakppanu eɗua uɗia, maɗi nid amu nug danab okkai nuhig anukka amegppa aumbia hette anidkku dayeb amu, nuhignu am ena.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

1 Pita 2:18

Aria, begbeg maɗi nid ag gumak danab ahilkad waalagppa daanna, ag ahilagnu ena elele doon autna aweg! Gumak danab ena dilagppaib iitta; gumak danab nau, ahilagnu eheɗ hetteb, amu dilagppa ele.

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!

1 Korint 9:13

Ag imu iite dootteb? Danab ag Kayaknu mettid lakka uɗat hetteb ele, ag ahilag ee Kayaknu mettid lakkanu aotteb. Amu danab ag doɗ mana Kayak mettaknu uɗatnab hetteb ele, ag qaɗabppanu ee aotteb.

Aposel 10:7

Engel nug Kornilius amegppa anam awowa ugekke, aria Kornilius nug nuhikuɗ maɗi nid aɗit laa, amu daup laippu ele onilagppa e doppig. Daup amu nug Kayaknu ooppa genab doya, nug Kornilius ehanittom.

Mak 10:43

Amge kobol amu ag oolagppa aib dayom. Iitta. Danab nug ag oolagppa okkai daakkunu oo dayeb, nug ahilag maɗi nid dayaɗ!

Matyu 24:25

Doyeg! Keeke amu ii neumppa, da ag dabmekkulagnu nai iikku ag amelagppa ain malami.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Sam 123:2

Begbeg maɗi nid ag ahilkad okkai eppelkadppanu, ag ee, keeke laala ele bau daaglagnu aoglagnu dabmetteb. Ao, maɗi nid ahin ag ahilkad ah okkai ag ee keeke madappeg, bau daaglagnu dabmetteb. Amubia ig Yawe, ihinig Kayak, Nug ihinignu oo gai-iitta doya oo mekka ehanigkkunu ameg mettem.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

Eksodas 24:13

Yawe Nug Moses amegppa anam a, aria Moses nug nuhig maɗi nid Josua ele aa ahaya, Moses nug Kayaknu qauko igippa tekkunu teum.

2 King 5:27

Na Namannu men doɗo keeke laala ele aome amunu, Naman beɗuppa gaɗa oɗe nau ele dayom amu, gemu eɗua na beɗunppa ba, geha huu nahip dimppa bekkulag ag ele hanhan oɗe amu aoglag,” awa aum. Nug anam a, Gehasi nug Elisa uuitte, gaɗa oɗe nau amu nug beɗuppa ba, beɗu gaɗa amu hakkab eppa, sno bia dayom.

2 King 5:25

Aa ukkaeheh, Gehasi nug noa, nuhig okkai Elisa noobppa dayom. Dayeye, Elisa nug antta oɗ mettom. “Gehasi na adeppa gowona uɗime?” awa oɗ mettom. Oɗ mette amu, Gehasi nug aum. “Da, nahip maɗi nid, da adebtag laa ii gomi,” awa aum.

2 King 3:11

Nug anam aum, amge King Jehosapat nug Joram inam oɗ mettom. “Yawenu propet laa, ig nug amegppa apput, ig geha attem hekkunig amu, nug Yawe amunu oɗ metteb, amegppa ab, nug ab ig doognignu laa iite daatte?” awa aum. Amu Israel dilag king Joramnu ban daup ikki laa dayaya, nug nai amu doya, nug inam nob meum. “Sapat bekka Elisa nug daatte. Anukka nug am propet Elaiyanu maɗi nid dayom,” awa aum.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

2 King 18:31

Ag Hesekaianu nai aib dooppig; aib dabmeppig. Iitta!’ Anam amu ag Asiria dilag kingnu nai dabmekkulag am ena. Nug atte. ‘Ag dahil nai doon, ag da waalppa daaglagnu anana, ag dahilppa uɗippeg, ag oh ippa daanna, ag ee ahilag wanppa bette ele, amuam grep meu, ad fig meu ele amu, ag amu, le oug ahilag ele lanana daaglag.

Prowerb 27:17

Danab laa nug aen maha laa awa, aen maha laa lahaɗtte bia; danab ag akka akka nug doyak medatteb.

Prowerb 27:19

Danab itotog leppa anidtte; amubia danab diig attemnab daatte, nuhig dabmakppanu ba, miag atitte.

Aisaia 36:16

Ag Hesekaianu nai aib dooppig; aib dabmeppig. Iitta!’ Anam amu ag Asiria dilag kingnu nai dabmekkulag am ena. Nug atte. ‘Ag dahil nai doon, ag da waalppa daaglagnu anana, ag dahilppa uɗippeg, ag oh ippa daanna, ag ee ahilag wanppa bette ele, amuam grep meu, ad fig meu ele amu, ag amu, le oug ahilag ele lanana daaglag. Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag.

Esta 6:11

King nug anam aum amunu, Haman nug kingnu lamen elab awa, Mordekai beɗuppa meum. Nug kingnu hos attan mewowa, omale, aab okkai ooppa inam qala ewawa ukkom. “Kobol imuam danab auntai laa, king nug danab amu binag okkai mekkunu oo okkainab hette ele amu, kobol imu nuhigppa aakku bette!” ewawa ukkom.