Prowerb 26:23 - Nobonob Baibel

²³ Wa, hinai, nippud, kap keeke, gau laittak ele am anttaknu enanag, amge ooppa aɗi daatte danab ah ii ippunadtte; amubia, danab laa nug ooppa nau daatte ele, nug nai ena madikku, amge nug danab ena iitta.

Prowerb 26:23 Referans Kwoze

Luk 11:39

Anam heum amge Jesus Nug amegppa aum. “Ag ɗo gumak danab-Parasia ag kap, tappiɗ ele gaɗaib ihatteb, amge ooppa baubau awaknu hik qak, nau hak kobol ele ambak daattep.

Prowerb 10:18

Am laa nug laanu, nug layag bia hette, amge nug ooppa, nug nuhignu nau ninig ele dootte, nug am hambuppuak danab; danab nug laa onig nauhkkunu nai maditte, nug am Kayak dab-ii-maama ii dim lamitta oiyak danab.

Matyu 23:27

O gadonnab gadon, ɗo gumak danab-Parasia am ɗo mehuqak danab ele. Ag hambuppuak danab. Ag dabmeig! Ag am boumaknu moɗ bia daatteb. Laa ag moɗ amuppa gau hakkab laaidtteb amunu, dimittim am anttak nuhig ena, amge ooppa amu danab mauhak beɗulag ebehilag, keeke digdig oh dubuttid ele daatteb. Ag amubia daatteb.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Prowerb 25:4

Na heppe, dubuttid silwappa daatte iitta mekku dayeb; keeke silwappa hak danab nug awa, keeke anttaknu enanag hekkunu elele.

Prowerb 26:25

Ge, danab amu nug nai enanag madikkutai; amge diig amunu na nuhignu aib ootppa genab doome. Aɗinu? Nug ooppa kobol nau kuɗumnab, Kayak Nug kobol amunu ooppa uuaknab dootte amu, nug amu hekkunu dabmette.

Prowerb 23:7

Aɗinu? Danab laa, nug nug ehanittak ii dootte ele, nug hanhan ee amu awaknu nob gane am dabmaama daatte; “Baula yaan la,” awa atte, amge ooppa nug na ii helomnu dabmette.

Prowerb 27:6

Layapnu daug batakppanu guittak awak, amuam keeke genab, nai amunu na genab elele dookkutnu elele; amge kekeɗnu ootuqittak huanak, amuam keeke genab iitta.