Prowerb 26:18 - Nobonob Baibel

^18-19 Kaaka danab nug lat doɗo danab qe mauhtte, o lat doɗo eotte ele, nug amu ekku dayeb, amuam naunab; amubia, danab nug mudippan laippu hambuppuittowa, nug, “Da qiɗ nai aakkuib mattimi,” akku dayeb, amuam ele naunab.

Prowerb 26:18 Referans Kwoze

Prowerb 25:18

Na mudippan laippu, na nuhignu hambuppuak nai hettoɗiakppa madittem dayeb amu; buppuak amuam daɗib laa, o qep elab laa, o lat doɗo hawaɗ ele laa guittak mettalo, amubia guittak medatte.

Aisaia 50:11

Amge ag laa ag akka ag aab ilatteb, ag amahlak amuppa ahan oiyeg! Ao, ag laa ag akka ag hul amot-tteb ele amu, ag amunu amahlakppa oiyeg! Amge ag amu hebeppeg, ⌊Yawenu nai imu ahilagnu am anamib bekku. Nug atte.⌋ “Ag da eppelppa inam aoglag. Ag uug naunab, danab oɗe naɗinab awa, qaɗaqaɗppa niitte, ag uug amubia aoglag,” awa atte.

Prowerb 7:23

Dia nug pelemppa tette amu, pelem mameg nug latppa qe mauhtte. Ao, ai laa nug uhuippa no amu, uhui mameg nug qe mauhtte. Amubia nid bau amu, nug doyak dabmak ena ele iitta, nug hette, nug amuppa mauhkku, amge nug amu ii dabmette.

Genesis 49:23

Josep nug nid dayeye amu, nuhig kekeɗ ag nuhigppa eheɗ heppig. Ao, ag nug kekeɗ mettan, baneb daan, nuhigppa eheɗ nau heppig.

Ikki Danab 15:4

Samson nug anam awowa, nug ukka, foks 300 aɗualatta, nug aɗit aɗit boolkad oohota qakkalata, anamib qakkalattom. Anam hewowa, nug hul diia, boolag aɗit aɗit, qakkak amuppa maatta qakkalattom.