Prowerb 26:12 - Nobonob Baibel

¹² Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 26:12 Referans Kwoze

Prowerb 29:20

Danab nug Kayak dab-ii-maama ii dim lamidtte, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug tatam ii dabmewowa nai maditte amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Prowerb 28:11

Danab enub ele nug nukka nuhignu, “Da am doyak dabmak ena ele,” anam dabmekkutai; amge daɗek danab, diignu doyak tutukku ele, nug enub danab nug anam ele iitta anidtte.

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Luk 7:44

Jesus Nug anam ana amu, Nug eɗua, ah neekkittatta, Saimon amegppa aum. “Na ah imu anidttem. Da na laut ooppa nemi amu, na le aon dona, da bael ihaknu ii meɗame, amge ah imu nug ameg lebppa da bael iha, nug ikki uɗugppa oppiom.

Prowerb 26:16

Danab bahi iittanab nug, “Da doyak dabmak ena ele aɗe oittem,” nug anam dootte; amu nuhig dabmakppa nug oɗmaknu nai nob mettenu amu, nuhig nob mak amu danab eblaih aɗit ele, ag laan neekkakppa, dabmak eheɗ laa ii aomanu kobol dim lamidtteb ele amu, nug nuhig dabmakppa nuhig oɗmaknu nob am ahilag oh eɗidtte.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Jon 9:41

Anam aeg am Jesus Nug ag amelagppa aum. “Ag amelag gaɗuak daalo amu, ag hipunin iitta daalob. Amge ag, ‘Ig amenig ii gaɗuom,’ atteb amunu, am ahilag hipunin ana daatte,” awa aum.

Prowerb 12:15

Danab nug Kayak dab-ii-maama ii dim lamidtte ele, nug anam oittenu nug, “Ib imuam ena,” dootte; amge danab nug ulum nai ena aokkunu daug humatte, nug doyak dabmak ena ele.

Prowerb 28:26

Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋