Prowerb 25:25 - Nobonob Baibel

²⁵ Baegppan laa, nug aab umanabppa daatte, nug ena daattenu nai uɗitte amu; amuam danab nug le baag diie, le oug latte, amubia daatte.

Prowerb 25:25 Referans Kwoze

Prowerb 15:30

Laa nug layag ena neekkitte, layag nug gamag ahak dootte; laa nug keeke beumnu nai ena dookku dayeb, nai ena amu nug beɗu ena ɠagattag ele daakkunu ehanidtte.

Rom 10:15

Amu laa ag mehuqak danab laa ii otialadna maadppeg gokkulag amu, ag attem hena, nai mehuqkkulag? Kayak naippa, nai daatte bia. “Danab laa nug uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb,” awa atte.

Sam 63:1

O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

Revelesen 21:6

Nug anam awowa, Nug tuɗitta da amelppa aum. “Keeke oh aakku meu beum! Da haen oh daattem; da tatam daami, da hanhan daakkul. Digmakppa, batakppa ele da daattem. Laa ag le baalag diitte amu, da ag le bauklel ele, le amuam qeppuɗia bette, da le amu nob iitta, hamu madakkul.

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

1 Timoti 1:15

Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

Jon 7:37

Hobul amu malaknu deɗ beum, deɗ amuam hobul amunu naɗinab amu, haen amuppa Jesus Nug hibaitta, baag okkaippa ewa aum. “Danab laa nug le baag diieb amu, nug da gumiɗa uɗia, le lanaɗ!

Jeremaia 18:14

Sno Lebanon qaukoppa daatte, am alet anamib daatte. Ii iitta mette. Ao, le oug appanu nette amu, le amu ele alet, anamib nette. Ii iitta mette.

Aisaia 55:1

Yawe atte. “Oe! Ag aun aɗi, ag le baalag diitte, ag leppa uɗin le laig! Ao, ag aun aɗi oh ag men doɗo iitta ele, ag amunu aib dabmeppig; ee ippa ina daattede, ag uɗin laig! Ge, ag men doɗo iitta ele, ag uɗin, wain, huh ele hamu aon laig!

Aisaia 52:7

Danab laa nug qauko letata uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb. Ge! Danab nug uɗia, nug nai ena, maɗoɗnu nai, ehanitteb padal ii maknu nai ele mattiaya, nug Juda danab ah amelagppa, “Ahilag Kayak Nug laa oh eɗatta, keeke oh gumatte,” atte amu, danab ah ag ahilag neekkak nuhignu am enaib anidtteb.

2 Samuel 23:15

Ag daaegeg, ⌊aben Dawit dayom, amuam atu taɗak amunu,⌋ Dawit nug le baag diie, nug aum. “O gadon, le moɗ Betlehem aab odppa daatte amu, elele daalo, laa nug ukka, le appanu awa uɗia, meɗeb lalom!” awa aum.

Revelesen 22:17

Amu Kayak Ouɗi amu Sipsip Nag wau, aa attep. “Na do!” Am aun nug nai amu doya nug, “Na do!” anaɗ! Am laa ele, laa nug le baag diieb, am nug doaɗ! Am laa nug bauklel le lakkunu oo hette ele amu, nug doa, bauklel le lanaɗ! Kayak Nug le amu hamu medatte.

Eksodas 17:6

Na gobeppe, da geha men laa Horep guguittak daatte amu, da men amu attan daappi, na da gukkuiɗna doppe, da na noomppa daappi, na dudqak hokkat amuppa men amu oppe, geha men amuppanu le beeb, danab ah ag lakkulag,” awa aum. Aria, Israel dilag ikki danab ag Moses anam he, menppanu le be anidppig.

Prowerb 25:26

Genab tutukku hak danab nug nuhig dabmak eɗue, nau hak danab dilag hak hette; amuam le qeppuɗia bakppan le laa heeg, muag ele daatte, o le moɗ dubuttid ele daatte, amubia daatte.

Genesis 45:27

Nug ooppa genab ii doyom, amge haen nug bekkod ag Josep aɗi aɗi aum nug amegppa amu madippig, amu haen Jakop nug Josep uɗatnu karis maatte goppig, nug karis amuppa Isip gokkunu anatta amu, nug ooppa genab doya, nug eɗua, ɠagattag dayom.

Josua 22:33

Ag eɗun gona, aɗi nai, Ruben, Gad amu Manase huu mahaib ele madippig amu, ag Israel oh amelagppa mattieg, ag oh nai amunu oolag ena dayom. Ag amunu oolag ena daye, ag Kayak binag menana, ag Ruben, Gad, ⌊Manase huu mahaib⌋ ele, ag ahilag wan heppeg nauhkkunu ban hekkulagnu nai ii madippig.