Biblia Todo Logo
Bib sou entènèt

- Piblisite -




Prowerb 25:22 - Nobonob Baibel

22 Na anam hekkut dayeb, nug oo eɗukkunu ehanidkkut; amu Yawe Nug na nob ena medakku.

Gade chapit la Kopi




Prowerb 25:22
7 Referans Kwoze  

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.


Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg!


Anam daalo amu, danab ag Kristusnu daan mauhppig ele amu, ag ele padal meppig.


Na anam heppe amu, nahip oo doyak uɗat lokkumakppa dayebeb, na Mamen, Nug keeke lokkumak oh anidtte, Nug nob ena eɗua medakku.


Amge haen na unuqidttem, na lag ooppa nona, od manona, na Mamen, Nug miag atiak ii daatte, na Nug unuqidppe, Nug keeke miag atiak iitta oh anidtte ele amu, Nug nob ena na medakku.


Amu Israel danab okkai ag danab laala ag Juda danab ah amu atognoadkkulagnu am anen anen onilagppa tituanadppig. Ag tituanatteg, danab amu ag Juda danab ah amu diin, en okkai Juda wanppanu aon uɗippig ele amu, ag amuppanu lamen aon, laa lamen iitta madappig. Ag amu hena, ag lamen, baeg gaɗa, ee, le, marasin ele elele daaglagnu oh madappig. Aria, danab o ah aun nug beɗu gai-iitta amu, ag amu dilagnu donki diin, attan maatteg daaegeg, ag eɗun, diin gona, danab ah amu ag lailkad oolagppa Jeriko appa maadppig. Jeriko onig laa am Aab Ad Pam Kuɗum Ele. Israel danab uɗat amu hekkulagnu tituanak daappig ele ag amu hena malona, ag eɗun, Samaria goppig.


Gemu, geha iikku, Yawe Nug da na eppenppa meiɗom, amge na da ii niɗe mauhmi. Kobol amuppa na hak ena nahip dahilnu hettem amu, na da ippuniɗme.


Swiv nou:

Piblisite


Piblisite