Prowerb 25:18 - Nobonob Baibel

¹⁸ Na mudippan laippu, na nuhignu hambuppuak nai hettoɗiakppa madittem dayeb amu; buppuak amuam daɗib laa, o qep elab laa, o lat doɗo hawaɗ ele laa guittak mettalo, amubia guittak medatte.

Prowerb 25:18 Referans Kwoze

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

Jeremaia 9:8

Danab nug lat doɗo e, doɗ keeke qe nauhtte, amubia ag lemaɗulagppa hambuppuak nai mattinna, laa heeg nauhtteb. Ao, Juda danab ah oh ag oɗelagppa ag mudippan lailkad amelagppa maɗoɗ nai maditteb, amge danab doɗ aokkunu pelem mette, oolagppa ag amubia ag lailkad eheɗ hattaglagnu dabmetteb.

Jeremaia 9:3

Amu Yawe Nug atte. “Danab nug lat doɗo latppa ette, amubia danab ah imu ag nai hambuppuak maditteb. Ag ahilag wanppa doyak diig genabibppa ɠagattag ii daatteb. Iitta. Ag hambuppuak naippa, hambuppuak kobolppa ele laa eɗidna daatteb. Ag hipunin laa hewona, ag ahan, laa ele hetteb. Ag da am Yawe, ag amunu dabmak nakok laa ii aotteb,” awa atte.

Prowerb 24:28

Mudippan laippu layap nug keeke eheɗ laa ii heum dayeb, hettoɗiakppa, “Nug eheɗ heum,” aib ame; na aibnab hambuppume.

Sam 140:3

Nai ag atteb am mat nau danab emalatte guadtte bia, nai amuam he, danab ah ag guittak dootteb. Ao, ag mat nau, danab emalatteg mauhtteb ele, amubia ag oɗelagppa nai maditteb. Sila.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Prowerb 25:17

Na mudippan laippu laugppa aib ge iitta gome; na anam haen oh gokkut dayeb, nug nahipnu nau ninig ele dookku.