Prowerb 25:16 - Nobonob Baibel

¹⁶ Na uppuh leppu anidkkut dayeb, na aib huana lame; na huana lakkut dayeb amu, na bahakkut.

Prowerb 25:16 Referans Kwoze

Prowerb 25:27

Uppuh leppu huana lanaknu am ena iitta; amubia danab nug nukka laa ag nug binag mekkulagnu eeɗadkku am ena iitta.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Aisaia 7:22

Am inam ele daakku. Doɗ amu ag mamelag huh huanak mettaglag amunu, danab amu nug huh amu awa, sis ha, sis lakku. Ge, anam daakku amunu, danab laippu laippu oh haen amuppa Juda wanppa daaglag amu, ag sis, uppuh leppu ele lakkulag.

Aisaia 7:15

Ataɗeb ukkeb, tatam nid amu nug nakok ena ma, haen nug dabmak ele dayaya, nug kobol aɗi am kobol genab tutukku ele, kobol aɗi am kobol nau ele doya, aria dimppa nug uppuh leppu, sis huhppa hak amu lakku.

Prowerb 23:8

Na hobul mamegnu kobol anam daatte, na amuppa daan ee nakok lakkut, amu danab nug ee nauhom nakokib lawowa bahatte, na amubia dookkut; na amu doon, eenu nai ena hobul mameg mettame amu, na nai amunu, “Da kakidmi,” dookkut.

Prowerb 25:17

Na mudippan laippu laugppa aib ge iitta gome; na anam haen oh gokkut dayeb, nug nahipnu nau ninig ele dookku.

Eklisiastis 7:16

Kayak Nug danab attem attem haaha, tutukku daakkunu aum amunu, na nuhig nai amu aon, keeke baubau kuɗum laa ele tuɗidkkutnu aib heme! Na doyak dabmak ena ele aonna, keeke laa oh ii dabmemana, amuib dabmekkutnu aib heme! Ib aɗit amu ohppa na nakka, na nauhkkutnu hettem amunu, na anam aib heme.