Prowerb 25:15 - Nobonob Baibel

¹⁵ Danab nug oo maɗoɗ ele dayak kobol dim lamidkku dayeb amu, nuhig okkai nug dabmak eɗukku bia; amu nai bodoettakppa mattiak amu, amuam heeb, dabmak ɠagattag eppom daatte baolikkunu elele.

Prowerb 25:15 Referans Kwoze

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Eklisiastis 10:4

Nahip okkai nug nahipnu oo nauhkku dayeb, na uɗat hekkutnu daattem, na uɗat amu aib uume; na ootppa maɗoɗ doon daye! Aɗinu? Kobol amuam kaliak okkai heeb, elele daakkunu elele.

Prowerb 16:14

King nug oppoɗi bak doya, nug danab laa qeeb mauhkkunu elele; amge danab doyak dabmak ena ele nug ha, kingnu oppoɗi bak bodoedakkunu ib madikku.

1 Samuel 25:14

Am Dawit nug nuhikkud danab ele ag anam heegeg amu, Nabalnu maɗi nid laa ukka, Abigel, Nabal wau, nug amegppa aum. “Dawit nug nuhikkud danab laala maatte, ag atu taɗakppanu uɗin, ihinig naɗi Nabal humittak nai mettaglagnu uɗippig, amge Nabal nug awa awa qettak nai baag okkaippa eum.

Ikki Danab 14:9

Nug antta, nug eppegppa uppuh leppu laa ekkaɗa awa, lanana ukkom. Ugakka, haen nug mameg anig ele eɗua gumata ta amu, nug laih laa aa mate, aa ele lapiɗ, amge nug laion ebehiudppan awomnu amelahppa ii aum.

Job 41:3

Lewiatan nug na nuhignu oot gai-iitta doon oot mettan ehanidkkutnu ii daye daye unuqidkkute? Ao, nug baag bodoettakppa na amenppa nai madikkute?

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.