Prowerb 25:12 - Nobonob Baibel

¹² Danab laa nug doyak dabmak ena ele, nug danab laa, nug dookkunu oo hette ele, nug nug daug batakku dayeb; amuam enanag, daulag bid golppa hak, o bala laa gol enanagppa hak bia.

Prowerb 25:12 Referans Kwoze

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Prowerb 15:5

Laa nug Kayak dab-ii-maama ii dim lamidtte ele, nug mamegnu tolitta bu mettak tappe nette; amge laa nug tolitta bu mettak awa, dabmaama dim lamidtte amu, nug aakku eheɗ bemanu dabmak awa dabmak amu dim lamittak kobol dim lamidtte.

Prowerb 20:12

Ig nai doyaknu daunig ele, amu keeke anattaknu amenig ele; amge Yawe Nug aɗit amu oh haatom.

Prowerb 9:8

Na awa awa qettak danab daug batappe, nug geha nau ninig ele nahipnu dookku; amge na danab doyak dabmak ena ele laa daug batappe amu, nug nahipnu oo mauhkku.

Job 42:11

Yawe ehanitte, Job eɗua ena daya, keeke ele daye amu, nug awakkud, amakkud, appinkkud ele, amu laa oh ag nug tatam dooppig ele amu, ag oh uɗin, nug laugppa ee lappig. Ag uɗin, uug oh ⌊ahilag dabmakppa⌋ Kayak he, Job nuhigppa beumnu amu, ag oo mak nai nug mettan, ag anen anen oh silwa men doɗo laippu, eppeg doɗoppanu ring golppa hak laippu ele nug medappig.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Eksodas 32:2

Ag anam aeg, aria Aron nug ag amelagppa aum. “Ag ahilkad ah, ag bekkalkad, aɗelkad ele dilag bala gol daulkadppa meppig daatteb amu, ag amu uhuqadna akkan, da gumiɗna uɗieg!” awa aum.

Eksodas 35:22

Am danab ah ele oh, ag oolag heum ele amu, ag bala digdig iɗu iɗu ele akkan, aon uɗippig. Amuam pin momoppa maknu, eppelagppanu ring, ring daulagppanu, kalele baalagppanu, amu gol bala digdig laa ele. Am danab ah ag keeke amu aon uɗin, amuppa ag huma epponitta mettaknu ofa hena, Yawe medappig.

2 Samuel 1:24

O ag Israel ah, ag Saulnu gayeg! Aɗinu? Nug he, ag lamen kokoɗnab tagattappig. Ao, nug he, ag bala golppa hak meppig.

Job 28:17

Doyak dabmak ena ele am gol, glas laa amahlak awa he, abibia gotte ele eɗat-tte; danab nug waa golppa hak, nug amuppa doyak dabmak ena ele daden mekkunu elele iitta.

Eklisiastis 7:5

Danab doyak dabmak ena ele nug na daut bateb, na dabmekkut am ena; amge na danab nug Kayak dab-ii-maama ii dim lamidtte ele, nug ahi ettebeb, na daanna dookkut, am ena iitta.

Esekiel 16:12

Da amu heine, da gagah na noomppa mein, bid na dautppa ele mein, haɗ neekkak enanag ele na ikkinppa memi.