Prowerb 25:11 - Nobonob Baibel

¹¹ Nai tutukku hanebppanab mattiak; amuam keeke gol, silwa eleppa hak, anttaknu enanag, amubia.

Prowerb 25:11 Referans Kwoze

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Eklisiastis 12:10

Ippunittak danab amu nug nai onig attennab uɗat mattebeb, nainu meu am pehettak bekkunu uɗat okkai haaha, nug aɗi yom am tutukku, genab ele.

Prowerb 24:26

Nai nob mak genab, amuam layam genabnab dayaknu at aakku.

Matyu 12:35

Danab ena nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette.

Prowerb 25:10

Na laanu nai anam heppe otalkku dayeb, laa amu nug nahip mattiak amu doya heeb, na uɗan nekku; amu dimppa laa ag nahip kobol amunu doona, ag hanhan nahipnu ena ii doomna.

1 Samuel 25:35

Dawit nug anam awowa, nug Abigel keeke awa uɗia mettom nug eppegppanu awawa, amegppa inam aum. “Nai nahip amu, da doomi, da geha na oot daatte amuib dim lamidkkul amunu, na oot maɗoɗ ele dayebeb, eɗun lautppa ukke!” awa aum.

Job 4:4

Haen kuɗum na laa ag nena qekkulagnu heegeg, na nai ena matte, ag nena ii qeppig. Ao, na laa ag danab gateg nau ele oikkunu haaha, elele iitta dootte bia daan ehanatte, ag ehanittak nahip amuppa ɠagattag aon daappig.