Prowerb 25:1 - Nobonob Baibel

¹ Danab dilag oiyak ehanittaknu nai tutu laala ele Solomon yom amu, Juda dilag king Hesekaia, nuhig danab ag aon yaappig amu, nai amuam inam.

Prowerb 25:1 Referans Kwoze

Prowerb 1:1

Oiyak ehanittaknu nai tutu, Dawit bekka Solomon, Israel dilag king, nug yom am iikku.

1 King 4:32

Haen amuppa Solomon nug oiyak ehanittaknu nai tutu 3,000 anam yowa, ahi 1,005 ele yom.

Maika 1:1

Juda wanppa, haen Jotam, Ahas, Hesekaia ele ag king daappig, haen ag king daappigppa Yawe Nug Maika, Moreset ted, Nug nug nai imu mettom. Maika nug Samaria, Jerusalem ele dilahnu tulegleg imu anttom.

Hosea 1:1

Yawe Nug Beri bekka Hosea amegppa nai imu, Usia, Jotam, Ahas, Hesekaia ele, ag Juda dilag king baadna daaeg ukkom, aria Jehoas bekka Jeroboam nug Israel dilag king ba dayeye, haen amuppa Hosea nug nai imu mattiom.

Aisaia 37:2

Amu nug Eliakim, nug kingnu lag enanagnab gumom, Sepna, nug am nai yaak danab, amu mana mettak danab anuqak ele ag oh lamen heɗiag ele maadna, ag ahan, Amos bekka, Aisaia toppa gokkulagnu a, ag goppig. Aisaia nug am propet.

Aisaia 36:22

Asiria dilag ban daup ikki amu nug anam mattia male, Hilkaia bekka Eliakim, nug am kingnu lag enanagnab gumom, Sepna, nug nai yaak danab, aria, Asap bekka Joa, nug am yaak danab dayom amu, ag oh ahilkad lamen pattiɗadna, ag eɗun Hesekaia toppa gona, ag Asiria daup dilag okkainu nai oh nug amegppa mattieg doyom.

Aisaia 1:1

Juda dilag king Usia, Jotam, Ahas, Hesekaia ele ag haen anen anen king daaegeg, Yawe Nug Juda danab ah oh, laa Jerusalemnu, laa Juda wanppa laih laihnu amu, Nug amu dilagppa aɗi bekkunu Amos bekka Aisaia miagib ippunittom amu, amunu nai am iikku.

Eklisiastis 12:9

Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 24:34

amunu, pahanab, yab danab nug laan keeke awe, laa nug keeke iitta daatte bia, na anam aakku pahanab daɗek daakkut. Ao, pahanab yab danab, nug lat keeke ele, nug danab laanu keeke awe, laa nug keeke iitta daatte, anambia na pahanab daɗek daakkut.