Prowerb 24:6 - Nobonob Baibel

⁶ Anam amunu, ban haenppa, ban daup ikki nug ulum nai danab doyak dabmak ena elenu ii awom dayeb, nug banppa aib ukkom. Ao, ban haenppa nug ulum nai ena kuɗum amu aokku dayeb, nug nuhig kekeɗ eɗadkku.

Prowerb 24:6 Referans Kwoze

Prowerb 11:14

Ulum mettak ena iittappa wanppan wan laa na qette; amge ulum mettak danab kuɗum daatteb dayeb amu, ag heeg, wan ɠagattag daatte.

Prowerb 20:18

Na ulum nai awona, na aɗi hekkutnu maittak awe! Ao, na banppa gokkut dayeb amu, na ulum nai awona ukke!

Prowerb 15:22

Laa nug keeke laa hekkunu maittak awa, ulum nai ena ii aokku dayeb, nug keeke hekku am elele ii bekku; amge nug ulum nai ena ulum mettak danab kuɗum dilagppa aokku dayeb amu, nug aɗi hekku am elele bekku.

Luk 14:31

Amu anamib king laa nug king laa ele ban hekkulag, aria nug tatam dayaya, dabmak tutukku aokku. Aɗinu? Nug am nuhig daup 10 tausenib, am king laa nug nuhig daup am 20 tausen amunu nug tatam dookku, nug am king laa amu ele ban heya, nug lamidkkunu elele o elele iitta.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

2 Stori 22:4

Ahasia mameg Jehoram mauhe, Ahap baegppanu danab laala ag Ahasianu ulum mettak danab bena daappig amunu, Ahasia nug Yawenu neekkakppa eheɗ heum. Kobol Ahap baekkudppa ag heppig, amubia nug ele heum. Nug anam ha, nug aakku diig amunu na qeum.