Prowerb 24:4 - Nobonob Baibel

⁴ Danab nug laugppa en laa, danab kuɗum ii aɗatteb, en anttaknu enanag ele, nug en amu lakka mekkunu amu, nug doyak ena aɗa oikkuoitte.

Prowerb 24:4 Referans Kwoze

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.

Prowerb 15:6

Genab tutukku hak danab laugppa en okkai daatte; amge nau hak danab ag kobol nau hetteb amunu, hak amunu noob am, ag uug anidtteb.

Prowerb 20:15

Gol daatte, amu men laa onig rubi, daden nob okkainab ele, ag ele huanak daatteb; amge nai mattiak doyak ena ele, amuam nakoknab aakkuib daatte.

Prowerb 8:21

Da laa ag dahilnu oolag mauhtte ele, da en okkai madattem; da hei, ahilag en maknu oo anen anen am ambetteb.

Matyu 13:52

Ag, “Yo,” aon aeg amu, Nug ag amelagppa aum. “Anam amu ɗo mehuqak danab oh, ag Kayaknu ɗo maɗoɗ ooppa noppig ele amu, ag am lag okkai mameg bia daatteb. Nug keeke maknu oo nuhigppanu keeke alag, bau ele akke do madatte,” awa aum.

Nehemaia 10:39

Aɗinu? Ig Israel buɗub, amu Lewi buɗubppan mana mettak danab iitta, ag ele, ig oh ee aeg, wain bau, goɗen ele Kayaknu mettid lag, amuppa ee bakkalenu maknu oo laalappa keeke amu maknu daatteb, ig aguppa mekkunig. Oo amuppa amu, Kayak laugppan uɗat haknu keeke maattak daatteb. Mana mettak danab, od gumak danab, ahiettak danab ele, ag oh uɗatppa daanna, aguppa daatteb. Ig genab, ig ihinig Kayak laug, amuppa keeke laanu tutu memanu dabmekkunig.” Nai amuam nai qakkak amuppa dayom.

Prowerb 24:5

Danab doyak dabmak ena ele, nug danab ɠagattag eɗidtte. Ao, laa doyak ena ele, nug danab ebehi ele eɗidtte.

Job 28:10

Danab ag amu henana, menppa giɗo elab hetteb; ag henana, en men hamu ooppa daatteb, gol, silwa keeke, en amu aakku miag atie anadtteb.

Prowerb 8:18

En okkai, binag, en haen elab daatte, genab tutukku hak kobol ele da eppelppa, ⌊da laa ag dahil nai dim lamidtteb ele, da ag madakkulnu aakku⌋ daatteb.