Prowerb 24:31 - Nobonob Baibel

³¹ Da dad amu eɗitten ugekke, uud keeke qaun ele aben ohppa bak daaegeg anidmi; wan amu ohppa uɗ bak dayom; amu men aɗ am loppaɗa, na qak dayeye anidmi.

Prowerb 24:31 Referans Kwoze

Eklisiastis 10:18

Danab nug bahi iitta, nug laug am babaittak iitta ele daatte. Ao, danab nug uɗat pehettak ii hette ele amu, gu nug laug ooppa notte.

Jeremaia 4:3

Yawe Nug ag Juda danab ah, Jerusalem danab ah ele Nug ahilagnu inam atte. “Danab nug wan ii buuak, hamu daye, keeke qaun ele benan daattebppa keeke eppe, keeke amu ena ii ba, meu ena iinab otte. Iitta. Danab nug uud keeke qaun ele amu heeb iitta meeb, wan amu buueb, wan buuakppa keeke ebakku, am meu okku amunu, ag amubia ag oolagppa anam heig!

Aisaia 5:5

⌊Iitta! Da amu oh elele hemi⌋ amunu, gemu da muɗi grep dad dahilppa keeke laa hekkulnu dabmemi amu, da ag amelagppa akkul. Gemu da dadnu aɗ keeke qaun ele eppak amu oadppi ukkeb, muɗi grep dad dahil am, doɗ ag wana, ee lanan daaglagnu aben daakku. Ao, da dadnu men aɗ aoɗppi neeb, doɗ ag dad ooppa nona, tappanna, ⌊ee lanan daaglag⌋,” awa aum.

Hibru 6:8

Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 13:7

Am ee aeg laala ag wan uud keeke qaun ele beppigppa nena qeeg, keeke qaun ele bena, naɗi ma teguattom.

Prowerb 23:21

Aɗinu? Danab ag wain laeg kaaka aqatte, o ee huana laeg oolag huana diditte ele, danab amu ag eɗun, daɗek daatteb; ag ee, le ele huana lanana, niiakib niiglagnu hetteb amunu, ag daɗek daanna, lamen nau aakkuib tagatteb.

Prowerb 22:13

⌊Nug ukka, uɗat hemanu⌋ danab bahi iittanab nug atte. “Laion laa dimittim daatte, ⌊da dimittim goppi, iweb mauhkkul⌋”; o amu iitta dayeb, nug atte. “⌊Da dimittim goppi,⌋ laa iweb mauhkkul,” awa atte.

Prowerb 20:4

Danab bahi iittanab ele nug haenppanab dad uɗat ii hette; amunu ee meu awak haenppa, nug ee meu laa ii anidtte.

Prowerb 19:23

Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.

Job 31:40

wit dahil wanppa ii beeb, keeke qaun ele belo am elele, am tutukku. Ge, bali wan dahilppa ii beeb, uudib belob am elele, am tutukku.” Job nug nai amu mattia mala, nug aakku nai baula laikkud danab ewam amelagppa ii mattiom. Nug oɗe qamutom.

Job 30:7

Ag doɗ gaatteb bia ad naunau waalagppa daan gaatteb; ag ulah aqamanu nug guguittak, ad naunau waappa daatteb.

Prowerb 24:32

Da antten amu, da aɗi anidminu dabmak ena laa aokkulnu dabmein; aakku da ippunittak ena laa anidmi.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Aisaia 5:6

Dad mameg nug anam anana amu, nug tuɗitta aum. “Geha da wan amu heppi, wan meu waknu nakokib elele bia dayebeb, appa danab nug muɗi grep babaittak uɗat, wan buuak uɗat laa ele ii hema. Uud keeke qaun ele bena dad tonappeg, da geha gu ele dad amuppa nemanu, da ɗo mekkul,” awa aum.