Prowerb 24:30 - Nobonob Baibel

³⁰ Da danab bahi iittanab ele, da nuhig dad eɗitten gomi. Ge, da danab nug epeɗia ha dabmak ena awak kobol ii dootte ele, da nuhig grep dad qe-eɗitten gomi.

Prowerb 24:30 Referans Kwoze

Prowerb 12:11

Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug epeɗia ha dabmak ena awak kobol ii dootte ele, ⌊amunu nug ee iitta daakku⌋.

Job 4:8

Da neekki ukke anidttem am iikku. Danab aɗi aeg ebatte, nug meu anamib aotte. Anam amu, amubia danab nug eheɗ hette, nug eheɗ hak nuhigppa meu nau aotte. Ge, amubia laa nug hipunin haaha daatte amu, nug hipunin hak nuhigppa meu nau aotte.

Prowerb 10:13

Danab ag oo maittak awaknu ehah aoppig daatteb, ag doyak dabmak ena elenu nai maditteb; amge danab ag epeɗia ha dabmak ena awak kobol ii dootte ele, ag bu aoglag.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Sam 37:25

Anukka da nid bau daami, gemu da kaino memi, amge Yawe Nug genab tutukku hak danab laa uuitte, nukka hamu dayeye ii anidmi. Genab, da nid naunau ahilkad ag enug aqe, ag laa eenu unuqak uɗat heegeg ele ii anidmi.

Job 15:17

Job, na daut human, dahil nai doon, na dabmak ena aokkut; na daappe, da aɗi keeke laa antten malami amu, da na amenppa akkul.

Job 5:27

Ig keeke amu oh anidta malamut. Keeke amu oh am genabib. Anam amunu, na dahil nai doon, dabmenan dim lamidkkut aakkuib am ena.” Teman danab Elipas nug Job amegppa anam aum.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Sam 107:42

Am genab tutukku hak danab ag Yawe keeke amu he anadna, ag gamag ahak dootteb, amge nau hak danab ag oɗelag qamut-tteb.

Eklisiastis 10:18

Danab nug bahi iitta, nug laug am babaittak iitta ele daatte. Ao, danab nug uɗat pehettak ii hette ele amu, gu nug laug ooppa notte.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.